Зонско паркирање: Една година успешна приказна

Четврток, 05 Ноември 2015

Оправданоста, придобивките и идните планови, ги презентираше Верица Узунова, директор на ЈП „Паркиралишта Струмица“

Скромно, но гордо на постигнатите резултати, денеска, јавното претпријатие „Паркиралишта Струмица“ ги презентираше оправданоста, придобивките и идните планови, а по повод една година од реализацијата на Зонското паркирање во општина Струмица.


На презентацијата во хотелот „Глигоров“ присуствуваа градоначалникот Зоран Заев, претседателот Јосиф Христов и членови на Советот на општина Струмица, претставници на општинската администрација и јавните претпријатија, бизнис секторот и граѓани.


Оправданоста, придобивките и идните планови, ги презентираше Верица Узунова, директор на ЈП „Паркиралишта Струмица“.

 


„Иако по многу нешта како град отскокнуваме од сите останати градови во Република Македонија, секогаш први во создавањето на добрата и вредностите, изминатиов период покажавме дека како граѓани на Струмица нема лесни работи за кои тежината е достоинствена. Отстапивме од секојдневните навики, видените рутини, реалниот комфор и покажавме дека самодисциплината може да ја покачиме на ниво кое заслужува почит и пофалба. Општествено дозволениот егоизам го преточивме во реална грижа, поистоветувајки се со потребите на соседите, занаетчиите, таксистите, луѓето со посебни потреби, пешаците.... генерално, со потребите на сите чинители во сообраќајот“ - рече Узунова.


Градоначалникот Зоран Заев во изјавата за медиумите потенцираше дека тој, лично, е задоволен од реализацијата на овој проект затоа што „Паркиралишта Струмица“ иако младо претпријатие реши голем проблем во општина Струмица.

 


„Јас сум среќен како градоначалник, заради тоа што едно крупно прашање во градот Струмица е решено и тоа на задоволство на сите граѓани. Драго ми е што ова јавно претпријатие кое што е младо и сопственост на сите нас, граѓаните на општина Струмица и тоа стопроцентна сопственост, живее од самостојни приходи, без било какви приходи, има две значајни дејности, покрај паркинзите тоа е одржувањето на уличното осветлување кое покрај неговата одржливост предизвикува и огромни заштеди на буџетот на општина Струмица. Во делот на јавното осветлување, општина Струмица годишно штеди помеѓу два и четири милиони денари од самата одлука да ги предадеме услугите за одржување на јавното осветлување на јавното претпријатие, но секако заштедата е една работа на буџетот, а втората или подеднаквата дејност, паркиралишта или зонското паркирање, навистина предизвикува одржливост и која што овозможува дури можеби и скромен процент, но сепак многу значаен да овозможува донација за детските градинки согласно одлука донесена на Совет, а на предлог на јавното претпријатие. Ова го кажувам за да знаат граѓаните дека навистина се гордеам од причини со ова јавно претпријатие и знам дека тоа што е создадено е за бенефит и трајно добро на сите граѓани на општина Струмица“ - рече градоначалникот Заев.


Имајќи ја секогаш во прв план грижата за корисниците на паркинг услугите, јавното претпријатие „Паркиралишта Струмица“ издвои 12 корисници на зонското паркирање кои најмногу паркирале изминатиов период и ги прогласи за лојални корисници.


Бидејќи станува збор за корисници кои во просек паркирале по околу 200 пати претпријатието одлучи да ги субвенционира со 10 % од износот потрошен за паркирање изминатата година и да им додели ваучери за паркирање за наредниот период.


ФОТОГАЛЕРИЈА

.

.

ПОВЕЌЕ ВЕСТИ

„Комуналец“ им препорачува на граѓаните сметките за вода да ги уплаќаат во наплатните пунктови во Струмица

„Комуналец“ им препорачува на граѓаните сметките за вода да …

Авг 12, 2020 Вести

Поради заштита на уплатите од сметките за вода и избегнување на несакани компликации од затворање на една од банките во државата од страна на НБМ, ЈПК...

Стотина граѓани синоќа рекреативно се искачија на Царевите кули, некои со велосипед, некои пеш

Стотина граѓани синоќа рекреативно се искачија на Царевите к…

Авг 12, 2020 Вести

Околу стотина посетители синоќа рекреативно се искачија на еден од најпознатите локалитети во Струмица - Цареви кули. Најголемиот симбол на градот и г...

Двајца новозаразени струмичани со ковид-19, еден од Струмица и еден од Вељуса

Двајца новозаразени струмичани со ковид-19, еден од Струмица…

Авг 12, 2020 ФЛЕШ ВЕСТИ

Министерството за здравство информира дека во изминатите 24 часа регистрирани се 139 нови случаи со ковид-19 од направените 1627 тестови, меѓу нив и д...

„Уметноста живее и треба да живее дури и тогаш кога светот се соочува со пречки“, кажа Јаневски отворајќи ја 57-та Струмичка ликовна колонија

„Уметноста живее и треба да живее дури и тогаш кога светот с…

Авг 11, 2020 Вести

„Уметноста живее и треба да живее дури и тогаш кога светот се соочува со пречки кои го менуваат нормалниот тек на живеење. Во ова време - невреме кога...

Почна „Струмица ОПЕН фестивал 2020“, со поинаква приказна

Почна „Струмица ОПЕН фестивал 2020“, со поинаква приказна

Авг 11, 2020 Вести

Под мотото „Поинаква приказна“ во Струмица започна 9-то издание на „Струмица ОПЕН фестивал 2020“. Поради пандемијата со коронавирусот фестивалот ова г...

Исчезнат е 56-годишен маж од Струмица, полицијата трага по него

Исчезнат е 56-годишен маж од Струмица, полицијата трага по н…

Авг 10, 2020 ФЛЕШ ВЕСТИ

СВР Струмица информира дека синоќа во 22:45 часот во Полициската станица, К.А. (30) од Струмица пријавил дека од домот се оддалечил неговиот татко А.А...

Компанијата „Екофризер“ од Струмица вработува

Компанијата „Екофризер“ од Струмица вработува

Авг 10, 2020 Веб Билборд

„Екофризер“ е македонска дистрибутивна компанија која работи како генерален застапник за производите Лакталис, ВеМилк и Вива сокови за југоисточна Мак...

Тешко повреден тракторист, излетал од патот и паднал во дол

Тешко повреден тракторист, излетал од патот и паднал во дол

Авг 10, 2020 Вести

СВР Струмица информира дека вчера околу 07:30 часот, на шумски пат викан „Безгаштовски пат“, помеѓу Струмица и Берово, на планината Огражден, С.В. (31...