Новиот градоначалник на општина Босилово од СДСМ и Коалицијата, Зоран Зимбаков, од денеска и официјално го превзеде извршувањето на оваа функција од досегашниот градоначалник, Љупчо Колев. Примопредавањето се изврши во Кабинетот на градоначалникот на општината Босилово.

Први на честито му дојдоа членовите на Советот на општина Босилово од редовите на неговата партија. Честитки до новиот шеф и од вработените во локалната самоуправа.

Досегашниот градоначалник Колев, честитајќи му го изборот за градоначалник на Зимбаков, истакна дека му стои на располагање за соработка околу актуелните активности на општината, проекти кои се во тек на реализација.