Девојките на ОК „Наковски Волеј“ стартуваа со победа и тоа на гости во Скопје, вечерва славеа со 3:1 над девојките на ОК „Јанта Волеј“, по сетови: 25:23, 23:25, 21:25, 24:26.

Минатата сезона, ОК „Наковски Волеј“, којшто со пласманот во финалето на Купот го оствари најголемиот успех во клупската историја, победи на четири од пет меѓусебни натпревари. Единствениот триумф ОК „Јанта Волеј“ го забележа пред своја публика во првиот дуел од четвртфиналето на Купот. Тогаш беше 3:2, но потоа во реваншот „Наковски Волеј“ беше сигурен со 3:0. Струмичките одбојкарки ги добија сите три пресметки во првенството, од коишто две беа на туѓ терен. Вкупно, во Скопје, струмичкиот тим се радуваше на две од три пресметки на коишто немаше резултат 3:0. На два натпревари беше 3:1 за „Наковски Волеј“, а на еден 3:2 за „Јанта Волеј“.