Познатиот шоумен, актер, пејач, кантавтор, Игор Џамбазов, денеска доби Плакета од градоначалникот на општина Босилово, Зоран Зимбаков за „Почесен граѓанин на општина Босилово“, а како што рече градоначалникот, поради промовирањето на општината низ цела држава, па и пошироко, преку неговата хумореска „Ицката од Босилово“.

Ова е за прв пат општината Босилово да го додели признанието „Почесен граѓанин на општина Босилово“.

Инаку, Игор Џамбазов вечерва ќе ги отвори музичките вечери од „Струмица ОПЕН фестивал 2019“ на сцената кај чешмичката на влезот од големиот Градски парк во Струмица, а со Игор ќе настапат и Игор Атанасовски, алијас Гуру Харе и рок пејачот од Босилово, Јовче Пандев.