Синоќа во 02:15 часот на кружниот тек кај силосите на „Жито Струмица“, автомобил „Пежо 307“ излетал од патот и се забил во дуќан, продавница за мебел – информацијата ни ја потврдија од СВР Струмица.

Во автомобилот освен возачот биле уште тројца патници на возраст од 20 и 22 години, кои од силниот удар се здобиле со телесни повреди, биле пренесени во Струмичка болница и се надвор од животна опасност.

Според информациите, возачот на возраст од 22 години поминувајќи покрај кружниот тек изгубил контрола над возилото и удрил во бетонска преграда, а од силниот удар се забил во излогот од алуминиум и стакло на продавницата за мебел.

Увидна екипа од СВР Струмица и јавен обвинител на самото место направиле увид за утврдување на причината за сообраќајната незгода.