Денеска од 18:30 часот во големиот градски парк Струмица со трката за деца „Баланс бајк“ продолжува „Струмица Опен фестивал 2022“. Ова е првиот настан од неделата резервирана за спорт и рекреација во рамки на програмата на „СОФ2022“.

„Баланс бајк“ е трка за најмладите струмичани - деца на возраст од 2 до 7 години. Големиот број учесници ќе се натпреваруваат во повеќе категории и за сите нив следуваат награди. 

Настанот во организација на Велосипедскиот клуб „Актив“ од Струмица има за цел да се развие желбата за велосипед, спортување и здрав живот уште од најмала возраст кај децата.