Петнаесеттина уметници од Македонија, Бугарија, Србија, Црна Гора, Хрватска и Чешка ќе бидат дел од годинашното 59-то издание на Меѓународната струмичка ликовна колонија, која ќе стартува вечерва од 19:30 часот. Тие во наредните десеттина дена во Струмица ќе создаваат нови уметнички дела во различни техники. Дел од струмичката колонија е и работилницата за мозаик, која постои веќе триесеттина години.

Во изминатите 58 години, Струмица и Струмичката ликовна колонија беле домаќини на над 1200 уметници од целиот свет и тие создале над 3000 дела кои се чуваат во депото на Центарот за култура „Антон Панов“, кој е и организатор на ова меѓународна манифестација.