ЈПКД „Комуналец“ на својата Фејсбук страница објави дека денеска (понеделник, 25 Јули), околу 17:00 часот горниот дел на градот Струмица и неколку села во општина Струмица ќе останат без вода. Нема информација колку ќе трае прекинот на водоснабдувањето.

„Поради зголемувањето на потрошувачката на вода околу 17 часот се очекува високите делови од градот како и дел од населените места да останат без вода. Ова се прави за стабилизирање на системот и избегнување на подолги рестрикции. Апелираме за штедење на вода и користење само за потребите на домаќинствата со цел за поскора стабилизација на водоснабдителниот систем“ – објавија од „Комуналец“.