Од утре стартува „Струмица Опен Фестивал 2022“, најголемата културно-уметничка и забавна манифестација во регионот. Организаторите најавуваат уште едно спектакуларно издание и Ве покануваат заедно да раскажувате уште една СОФ приказна под отворено небо.

Првата недела е планирана за култура и забава со звуците на безвремените македонски шлагери Лјубомир Митровски, Денис Кирчанов, Боби Ѓошиќ, Игор и Даме, со филмските проекции на добитниците на Оскари и меѓународни награди – македонските играни филмови „Налепница“, „Баскет“, „Стела“ и „Сестри“. Со стиховите афоризми исполнети со сатира и смеа со Ацо Ѓоргиев и Ристо Филчевски од Струмица, Јане Атанасов, Ружа Стојмилова и Ленче Стојменова од Кочани, како и Марија Ранѓеловиќ Белград, Србија. Стихови на поезија за душа со Вања Изова Велева од Струмица и Стефан Марковски од Гевгелија. И во ритамот на традицијата – Концерт на фолклорна низа за сите љубители на танцот, македонската традиција и култура.

Втората недела спортување со Balans Bike, Вело тура, натпреварување во шах, board games, Street basket, вежби во парк со Лени и рекреирање по ноќните патеки до Цареви кули.

И не би биле СОФ доколку не го понудат најдоброто од македонската музичка сцена во третата недела од годинашното издание.

Уживаме во звуците на гитарите од летната школа за гитара под менторство на проф. Васко Пиличев. Уникатаните AIR STRINGS, Мак фест ѕвездите низ времето, струмичките YU FOR YOU, Игор Џамбазов и Гуру Харе, концерт во спомен на најголемата музичка фолк ѕвезда Гоце Арнаудов. Тука се и концертите на Коста Хаџикојчев и Влатко Лозаноски.

„Струмица Опен Фестивал“ има многу ѕвезди во својата приказна, има многу музика за слушање, култура за негување и забава за доживување.