Завршуваат градежните активности на двете главни улици во населбата Софилар во Струмица на кои се поставени и тротоари од двете страни, атмосферска и фекална канализација.

Со овој проект на Општина Струмица, финансиран со 26 милиони денари од Светска банка, како грант, од кои 2 милиони се од општинскиот буџет, се зголеми опфатот на инфраструктурното уредување во населбата и е обезбеден поквалитетен живот за жителите во населбата кои долги години реагираа до локалните власти за решавање на проблемот.

Градоначалникот на општина Струмица, Костадин Костадинов кој денеска со своите соработници беше во населбата Софилар вели дека ова градежна активност опфаќа повеќе проекти, изградба на две сервисни улици во должина од 650 метри, изведба на атмосферска канализација во должина од 780 метри и изведба на три феакални колектори со фекална канализација во должина од 1411 метри.

Тој најави дека во ова 2022 година со 18 милиони денари, пари планирани во буџетот на општината Струмица ќе почне изградбата на главниот фекален колектор којшто ќе ги опфаќа одводните води од целата населба во поранешната касарна, заедно со населбата Софилар до реката Водочница, кои отпадни води ќе бидат однесени во Пречистителната станица кај Сачево.

ФОТОГАЛЕРИЈА