Поранешниот македонски премиер Зоран Заев, на покана на поранешниот грчки премиер Алексис Ципрас, присуствува на партискиот Конгрес на СИРИЗА во Грција.

Ципрас во своето обраќање говореше за придобивките од Преспанскиот Договор потпишан со Северна Македонија, упатувајќи посебна благодарност за тоа до Зоран Заев, по што следуваа овации и голем аплауз од присутните.

Ципрас истакна дека Договорот од Преспа „денеска е уште поактуелен, бидејќи испраќа порака за мир во време на војна“.

„Сакам, бидејќи ми се дава можност, не ми беше во план, но тука се пред мене, сакам да им се заблогодарам и на Зоран Заев и на Никос Коѕијас, што ја водевме битката, што им се спротивставивме на притисоците, што ја направивме нашата патриотска должност. Пораката од овој Договор, во овие денови на војна е уште поактуелна, како порака за мир и солидарност на народите на континентот кој помиува низ голгота е од ужасите на војната“ – кажа Ципрас.

Во наредните денови од Конгресот на СИРИЗА, кој ќе трае една недела, се очекува свој говор да има и поранешниот премиер Зоран Заев.