Пред точно една година на 2 јануари по 23:00 часот избувна голем пожар во Трговскиот центар „Глобал“ во Струмица, кој беше изгаснат од Противпожарната единица на Струмица и неколку други единици од регионот утрото во 04:00 часот. Во големиот пожар изгореа 44 деловни објекти и магацини како и 24 тезги со разновидна роба, а според пријавеното од страна на дуќанџиите штетата изнесува над 65 милиони денари.

И по една година од Основното Јавно обвинителство се уште нема одговор за настанувањето на пожарот и дали некој ќе сноси одговорност. Струмичкото Јавно обвинителство уште ги комплетира извештаите по што ќе ги анализира сите прибрани материјали и докази.