Владата и средношколците постигнаа договор околу матурата

Четврток, 18 Февруари 2021

„Со Сојузот на средношколци се договоривме за два екстерни испити, додека за третиот екстерен испит се согласивме да се трансформира во интерен. Вака, ниту еден матурант нема да има проблем да се запише на некој од домашните или странски престижни универзитети, бидејќи повторно ќе има четири предмети неопходни за упис на универзитетски студии“, истакна премиерот Зоран Заев на денешната заедничка изјава со Бленди Ходаи, претседател на Сојузот на средношколци.

Премиерот Заев изрази задоволство што заедно низ дијалог со средношколците се изнајде компромисно решение со кое се гарантира квалитет на матурскиот испит со кој се овозможува секој матурант да може да се запише на факултет овде во државата и надвор од неа.

„Потребно беше прилагодување на концептот на државната матура заради влијанието на пандемијата на образовниот процес, и врз основа на заедничката размена на аргументите и следејќи го примерот од останатите европски држави за нас е прифатливо сѐ што е во нивна полза. Како одговорна Влада инвестираме во младите луѓе и водиме грижа за квалитетно образование и понатамошен напредок“, рече премиерот Заев и додаде дека ќе се формира работна група помеѓу Бирото за развој на образованието во надлежност на Министерство за образование и наука, и Сојузот на средношколците, која што ќе одлучува за кратење на програмите за екстерните испити. Со работната група ќе претседава претставник од Канцеларијата на Претседателот на Владата и целиот овој процес треба да заврши до средината на март.

Премиерот Заев истакна дека како дел од ова решение влезе и заедничката согласност матурата да започне една недела подоцна, односно наместо од 29-ти мај како што беше предвидено, да започне од 5-ти јуни. Тој потенцираше дека предлозите на средношколците  за модифицирање на државната матура беа образложени со издржани аргументи и ги охрабри да продолжат да бидат гласни, да укажуваат за секое прашање од нивни интерес, за секоја воочена ситуација која налага промени и на овој демократски начин, низ дијалог да се постигнат решенија во полза на нивните соученици, матурантите.

Претседателот на Сојузот на средношколци Бленди Ходаи им честиташе на своите врсници за постигнатото решение, за единството  и успешното постигнување на компромис кој ги задоволува барањата на средношколците, не го нарушува системот, а сепак ги штити интересите на сите ученици.

Во продолжение се наведени прифатените барања.

1. Бројот на екстерни испити да остане 2 (два), додека третиот екстерен испит е симнат на ранг на интерен. Со тоа ниту еден матурант не би имал проблем при упис на факултет тука или во странство и повторно би имал 4 (четири) предмети кои му се бараат за упис.
2. Формирање на работна група меѓу Бирото за развој на образованието и Сојузот која ќе одлучува за скратување на испитните програми за екстерните испити. Во групата ќе учествуваат претставници од Бирото за развој на образованието , Сојузот и наставници номинирани од Сојузот. Со неа ќе претседава претставник од Канцеларијата на Претседателот на Владата на Република Северна Македонија. Младите пратеници треба да го следат процесот и да заврши со работа до почетокот на март.
3. Наставниците да ги споделат материјалите за интерните испити и базата на прашања најдоцна три недели пред денот на испитот. Истите да содржат најмалку 60, а најмногу 100 прашања.
4. Зголемување на коефициентот кај несоодветниот екстерен испит од 0,5 на 0,9, односно од 5 поени на 9.
5. Првиот екстерен испит (мајчин јазик) да биде сметан за соодветен од страна на сите високо образовни институции во земјава.
6. Државниот испитен центар да го врати испитот по естетика/филозофија како втор екстерен испит во средните уметнички училишта.
7. Универзитетите да објават кои од Листата на наставни предмети се соодветни за нивните студиски програми.
8. Со цел учениците да имаат опција да ги променат своите испити, учениците кои ќе полагаат државна матура треба повторно да ги регистрираат своите испити. Краен рок за ова да биде петок, 5 март.
9. Поместување на почетоците на испитни сесии за една недела. Од 29 мај да се премести за 5 јуни и така за сите останати сесии.
10. Промена во начинот на добивање на поените за интерните испити. Сега предвид ќе се земат оценката од испитот и просекот по предметот како основа за добивањето на поените. И оценката и просекот ќе учествуваат подеднакво.

Неможе да се пријавите самите

  • Права:

    © Крадењето авторски содржини е забрането со закон. Преземање текстови, изјави или фотографии во авторска сопственост на порталот www.StrumicaNet.com е дозволено делумно, со задолжителен хиперлинк до содржината која се пренесува...

.

.

ПОВЕЌЕ ВЕСТИ

Домот за стари лица „Отворено срце“ има потреба од медицински сестри и негувателки

Домот за стари лица „Отворено срце“ има потреба од медицинск…

Фев 24, 2021 Веб Билборд

Поради зголемен обем на работа, Домот за стари лица „Отворено срце“ од Струмица има потреба од медицински сестри и негувателки. Пријавување од понедел...

Исчезнато е 15-годишно девојче од Градашорци, мајката се сомнева дека е кај момчето во Штип, бара помош од полицијата

Исчезнато е 15-годишно девојче од Градашорци, мајката се сом…

Фев 22, 2021 ФЛЕШ ВЕСТИ

Синоќа околу 21:00 часот во СВР Струмица, Ј.А.(37) од село Градашорци, општина Василево, пријавила дека од домот се оддалечила нејзината 15-годишна ќе...

Дефект на главниот цевовод, без вода се жителите на Босилово, Радово, Робово, Еднокуќево, Секирник, Бориево и Турново

Дефект на главниот цевовод, без вода се жителите на Босилово…

Фев 22, 2021 ФЛЕШ ВЕСТИ

Од ЈПКД „Огражден“ од Босилово информираат дека поради дефект на главниот цевовод, денеска и утре (понеделник и вторник, 22 и 23 февруари), ќе има пре...

Вчера во акциска контрола Струмичката полиција санкционирала 109 возачи за брзо возење

Вчера во акциска контрола Струмичката полиција санкционирала…

Фев 22, 2021 ФЛЕШ ВЕСТИ

Струмичката полиција информира дека во текот на вчерашниот ден, односно во периодот од 11:00 до 17:00 часот, на подрачјето што го покрива СВР Стумица ...

Планинарите тргнаа кон вечното почивалиште на претседателот Борис Трајковски

Планинарите тргнаа кон вечното почивалиште на претседателот …

Фев 21, 2021 Вести

Планинари на Планинарскиот клуб „Ентузијаст“ од Струмица, придружени од планинари од Валандово, утрово од пред споменикот „Македонија“ во Градскиот па...

Евроамбасадорот Дејвид Гир ги посети манастирите во Водоча и Вељуса

Евроамбасадорот Дејвид Гир ги посети манастирите во Водоча и…

Фев 21, 2021 Вести

По завршувањето на церемонијата околу отворањето на „Европската куќа“ на Делегацијата на Европската Унија во Струмица, евроамбасадорот Дејвид Гир и пр...

Европската Унија денеска во Струмица отвори Европска куќа за младите

Европската Унија денеска во Струмица отвори Европска куќа за…

Фев 20, 2021 Вести

Делегацијата на Европската Унија во Македонија, денеска напладне во Струмица ја стави на користење на младите од струмичкиот регион третата Европска к...

Во Струмица се собираат потписи за поништување на Законот за Попис

Во Струмица се собираат потписи за поништување на Законот за…

Фев 20, 2021 Вести

Од денеска напладне на просторот кај маркетот „Тинекс“ во Струмица, Општинскиот комитет на ВМРО-ДПМНЕ постави пункт за собирање на потписи од граѓанит...