Синоќа по настанувањето на големиот пожар во Трговскиот центар „Глобал“ и по прекинувањето на електроснабдувањето на овој објект од страна на ЕВН Македонија, корисниците на „Телекабел“ останаа без кабловска телевизија и интернет, бидејќи просториите на „Телекабел“ во Струмица се наоѓаат токму во објект.

Како шти ни кажа менаџерот, Зоран Ристов, се чека на завршување на увидот од страна на надлежните лица, за да можат наши екипи да влезат во просториите на „Телекабел“.

„Мислам дека пожарот не ги зафати нашите простории, но не можеме да влеземе додека трае увидот на целиот објект. По завршувањето на увидот, иако електричната енергија е во прекин, ќе ги активираме агрегатите за напојување и нашите корисници на интернет и кабловска ТВ ќе можат да ги користат услугите. До кога ќе трае, зависи од надлежните кој го прават увидот. Им се извинуваме на нашите корисници, да се надеваме дека во скоро време ќе биде се во ред“ - вели Ристов.