На вториот ден од Новата 2021 година, односно синоќа во 02:00 часот се роди првото бебе во Струмица. Машко бебе со тежина од 3.850 грама на свет го донесе мајката Македонка Јанкулова од Струмица.

„На мајката и посакувам да и е живо и здраво синчето, а на новороденчето, среќно и безгрижно детство и убава иднина во родната Струмица“, им посака градоначалникот на Струмица, Коста Јаневски.

Поради пандемијата од ковид-19 и почитувањето на здравствените протоколи и мерките за заштита, градоначалникот нема да ги посети и лично да им честита и посака се најубаво во Новата година, како што вообичано го прави секоја година, но како што вели, подарокот од Општина Струмица, меѓу кој и штедна книшка со 20.000 денари, е веќе испратен и предаден на мајката.