51 ученик од основното образование во деветте основни училишта на територијата на општина Струмица, на почетокот на второто полугодие ја напуштиле наставата, односно нивните родители ги отпишале од училиштата. Информацијата ни ја потврди и Општинскиот просветен инспектор при општина Струмица, Зоран Узунов.

Како што ни рече Узунов, причина за отпишување на овие ученици, според изјавите на родителите е заминување на семејството на работа во странство.

На 1 септември 2017 година, 5075 ученици од прво до деветто одделение започнале да ја следат наставата од учебната 2017/2018 година, второто полугодие на 22 јануари го започнале 5024 ученици.

Најмногу ученици кои го напуштиле училиштето е забелажно во одделенската настава, односно од прво до петто одделение се отпишале 35 ученици, додеката во предметната настава од шесто до деветто одделение 16 ученици.

Според изјавите на родителите, кои барале да ги отпишат своите деца од училиштата, 24 деца - ученици со нивните семејства заминале во Словенија, 9 во Италија по 7 во Германија и Австрија, тројца во Швајцарија и едно во Англија.

Овие бројки за отпишување ученици од основното образование поради иселување во друга држава е само на територијата на општина Струмица, додека бројката од поранешната стара општина Струмица, односно и општините Василево, Босилово и Ново Село, е многу поголема. /Р.Ѓ./