Елена Дрвошанова Крамди е струмичанка која живее и работи во Луксембург, каде неодамна се пресели од Париз. По дипломирањето на Правниот факултет во Скопје - отсек новинарство, во 2001-та година, заминала од Македонија. Во Франција магистрирала на Правниот факултет во Базансон - отсек европско деловно право, а потоа завршила и втора магистратура на Правниот факултет Париз 5 - отсек Правото на електронскиот бизнис.

До пред една година Елена работела како деловен правник во фирма за инвестиции во Париз, која е активна на меѓународно ниво, а во Луксембург работи во фирмата „Docler Holding“, како специјалист за интелектуално право.

Освен што е успешна како правник, струмичанката Елена успешно се занимава и со пеење. Таа неодамна стана вокал на рок-групата „Strysles“ од Луксембург, чии членови веќе прифатија македонски израз за периодот откако на бендот му се придружи Елена, па го нарекуваат „нов ветер“.

Прочитајте го интервјутo на Елена за новинската агенција МИА на следниот линк >>>