Трет натпревар со идентични 1:1 за „Академија Пандев“ во домашното првенство. Попладнево во Струмица на стадионот „Благој Истатов“, „Академија Пандев“ со реми против „Струга Трим Љум“.

Како и на претходните два натпревари „пандевци“ први го отворија резултатот, денеска со голот на Марко Рајковиќ, сепак на 30 секунди пред крајот на натпреварот фудбалерите на „Струга Трим Љум“ постигаа гол за израмнување и со бод си заминаа од Струмица.

Покрај повредените Дориев и Димов, до крајот на полусезоната тренерот Југослав Тренчовски нема да може да смета и на Марио Крстовски, кој денеска при еден воздушен дуел заработи скршеница на носот.

„Академија Пандев“ по денешниот натпревар останува на втората позиција во прволигашкото првенство. Веќе во среда следува ново првенствено коло во кое струмичани гостуваат во Скопје на тимот на „Шкупи“.