Од 5 до 8 март 2020 година ФК „Академија Пандев“ од Струмица по трет пат ќе го организира најмасовниот меѓународен турнир за млади фудбалери „ПАНДЕВ КУП 2020“, информираат од Академијата на Горан Пандев.

На купот ќе се натпреваруваат над 800 млади фудбалери од генерациите 2006, 2007, 2008, 2009, 2010 и 2011 и помлади од околу 80 фудбалски клубови од Македонија и Европа, а натпреварите ќе се играат на терените во Струмица и Дојран.

Турнирот е со поддршка на Општина Струмица, Агенцијата за млади и спорт, а Фудбалската Федерација на Македонија се јавува како спонзор и помагател на овој настан.