Струмичкиот прволигаш Беласица преку Фејсбук објава соопшти дека ја прекинува соработката со шефот на стручниот штаб Марјан Живковиќ поради слабите резултати во полусезоната на Првата МФЛ.

Веста доаѓа по денешниот загубен натпревар во Кратово против ФК Силекс со 1:0, деветта по ред загуба за Беласица во првата полусезона од вкупните 18 натпревари.

Србинот Живковиќ дојде на чело на стручниот штаб на сино-белите пред самиот почеток на сезоната 2018/2019, по напуштањето на функцијата од Раде Цицмиловиќ поради непоседување на Про УЕФА диплома.

Беласица во моментов е последна на табелата во ПМФЛ, а оваа сезона успеа да добие само 4 натпревари, 5 ги заврши нерешено, а на 9 натпревари доби пораз.

Претседателот на Беласица Славчо Васков, како што пренесува ТВ Канал ВИС, истакнал дека тој ќе го предводи тимот на реваншот со Силекс во Купот во среда.