Струмичките одбојкари денеска попладне во салата „Партизан“ во Струмица ги надиграа досега непоразените одбојкари на „Лирија“ од Тетово со 3:0 во сетови (25:17, 25:20, 25:10).

Со ова победа ОК „ЏИО Струмица“ се сами на лидерската позиција и веќе се наметнуваат како најсериозен кандидат за одбрана на двојната круна од минатата година.

Шампионот ја потврди одличната форма уште на почетокот на сезоната, а и објективно има подобар играчки состав. Ваквите констатации произлегуваат и од трите победи над екипите коишто рефлектираат на висок пласман.

Тимот на Кире Ричлиев во првото коло го совлада „Универзитет во Тетово“, во второто го доби „Вардар“ во реприза на ланското финале, во третото коло со ГОК „Борец“ во Велес беше полесен тренинг, така што шесткратниот македонски првак денеска ја имаше фаворитската улога во салата „Партизан“ во Струмица.