Струмица по втор пат ќе биде дел од Божиќниот настан во Македонија, кој секоја година се одржува на Бадник. Во исто време утре (недела), во 11:00 часот околу 10.000 деца ќе бидат во Бадниковите поворки во 35 градови на нашата држава.

Утре, во 11:00 часот од црквата „Св. Григориј Палама и Св. Димитриј“ во Струмица со стиховите од старата коледарска византиска песна „Вечниот Бог“, ќе тргне поворката со околу стотина дечиња и нивните родители. Ќе се движи низ булеварот „Маршал Тито“ до плоштадот „Гоце Делчев“, од таму кон црквата „Св. Петнаесет Тивериополски Свештеномаченици“.

Со оваа поворка децата ќе станат гласници на радосната вест за Христовото раѓање низ улиците на Струмица.

На 18,19 и 20 декември во клубот „Саб Клаб“ на Леблебиџиската улица во Струмица ќе се реализира проектот „Алтернативна Струмица - место за секој уметник и артист“, поддржан од Министерството за култура во рамките на програмата „Млади европејци“.

Станува збор за проект преку кој сака да се промовира алтернативната сцена и нејзините субкултури со цел да станат дел од урбаното опкружување во општина Струмица.

Преку зголемувањето на културната понуда и запознавањето на граѓаните со алтернативни области ќе им се остави простор да осознаат богат избор субкултура, а од друга страна ќе се стави акцент на културата како правец да добие третман којшто го заслужува.

Преку овој проект ќе се донесе заклучок дека градот Струмица знае да ја цени и почитува оваа уметност и со тоа ќе инспирира разноликост во културната сфера.

Во рамките на проектот ќе се реализираат изложби на фотографии, јавни дебати, уметнички перформанс и квалитетна и модерна музика.

Промоција на првото издание на списанието за наука, литература, култура и уметност „ЗЕНИТ“, во издание на Друштвото за наука, литература, култура и уметност „Иван Василевски“ од Струмица.

Понеделник, 10 декември | 20:00 часот | НУЦК „Антон Панов“ Струмица

(Недела, 9-ти декември 2018 година), во 20:00 часот во малата сала на НУЦК „Антон Панов“ ќе биде изведена премиерата „Сонцето на Царевите кули“ од Бранко Бенинов.

(Сабота, 8 декември 2018 година) Вечерва во 20:00 часот во НУЦК „Антон Панов“ ќе се одржи промоција на Македонски епски народни песни од Струмица и струмичко - „Турунџула Каравлашки“ од Иван Котев.

Во организација на КК „Ветерани“ од Струмица денеска и утре (сабота и недела), во салата на СОУ „Димитар Влахов“ во Струмица, ќе се одржи меѓународен кошаркарски турнир за ветерани.

На турнирот покрај домаќинот учествуваат и ветераните на „Волос“ од Грција, „Варна“ од Бугарија и „Лесковац“ од Србија.

Струмица на 11-ти декември празнува, го одбележува својот Патрон, Светите Петнаесет Тивериополски свештеномаченици. По тој повод од денеска на празникот Свети Климент Охридски, па се до 15-ти декември ќе се одржат низа свечености.

Со меѓународен натпревар во кошарка за ветерани ќе започне одбележувањето на патрониот празник на градот Струмица. Стартот е закажан за денеска во 13:00 часот во Спортската сала на СОУ „Димитар Влахов“ во Струмица. Вечерва во 20:00 часот во НУЦК „Антон Панов“ ќе се одржи промоција на Македонски епски народни песни од Струмица и струмичко - „Турунџула Каравлашки“ од Иван Котев.

Во недела (9-ти декември), во 20:00 часот во малата сала на НУЦК „Антон Панов“ ќе биде изведена премиерата „Сонцето на Царевите кули“ од Бранко Бенинов.

Во понеделник (10-ти декември), во 12:00 часот во Библиотеката „Благој Јанков Мучето“, ќе бидат доделени наградите од Литературниот конкурс посветен на градот Струмица, а во 20:00 часот во НУЦК „Антон Панов“ ќе биде промовирано новото списание за наука, литература, култура и уметност „ЗЕНИТ“.

На денот на Светите Петнаесет Тивериополски свештеномаченици, 11-ти декември (вторник), во 09:00 часот во истоимената црква во Струмица ќе се одржи Света Божествена литургија. Во 12:00 часот е Свечената седница на Советот на општина Струмица на која свое обраќање ќе има градоначалникот на општина Струмица, Коста Јаневски, а ќе бидат доделени и традиционалните Годишни награди и наградата за животно дело „Свети Петнаесет Тивериополски свештеномаченици“ на општина Струмица за 2018-та година. Истиот ден во 19:00 часот во големата сала на Домот на АРМ во Струмица, Ансамблот „Тримери“ ќе го одржи својот традиционален Годишен концерт.

Активностите по повод патрониот празник на Струмица продолжуваат и во среда (12-ти декември), во 10:00 часот со Турнир во кошарка за основните ушилишта. Натпреварите ќе се одржуваат во Спортската сала на ООУ „Видое Подгорец“. Во 20:00 часот во изложбениот салон на НУ „Завод и Музеј“ во Струмица ќе биде претставена Изложба на Ликовната група „ПРЕСЕК“.

Во четврток (13-ти декември), од 10:00 часот во Спортската сала на СОУ „Никола Карев“ започнуваат натпреварите од Турнирот во кошарка за средните училишта. Истиот ден во 20:00 часот во НУЦК „Антон Панов“ ќе биде промовирано драмското дело „Вероника Самарак“, по повод 50-годишнината од смртта на Антон Панов.

На 14-ти декември (петок), во НУЦК „Антон Панов“ од 20:00 часот ќе биде изведена претставата „Петтиот чин“ во режија на Ник Алер.

Со меѓународен натпревар во одбојка за ветерани, кој ќе се одржи на 15-ти декември (сабота) во Спортската сала „Партизан“ од 18:00 часот, завршуваат активностите по повод патрониот празник на градот Струмица - Светите Петнаесет Тивериополски свештеномаченици.

Во пресрет на патрониот празник на градот Струмица, од денеска до недела во хотелот „Сириус“ во Струмица ќесе одржи Научен собир „Култот на Светите Петнаесет Тивериополски свештеномаченици во средновековната и во поновата епоха-историја, култура и традиција“.

Со реферати ќе се претстават повеќе еминентни професори и научници од македонските универзитети и факултети, МАНУ, Институтот за национална историја, институции и државни органи.

Свеченото отворање на Научниот собир е денеска во 14:00 часот, а затворањето е во недела во 12:00 часот.

Здружението за помош и поддршка на лица со попреченост „Вера” од Струмица, по втор пат организира модна ревија, во чест на лицата со попреченост, испраќајќи порака дека сите сме исти и заслужуваме достоинствен живот и прифаќање и покрај различностите.

Настанот е насловен „Убави сме, свои сме”, а ќе се одржи во недела, 2 декември, со почеток од 16:00 часот во хотелот „Вила Парк“, во Струмица. На хуманитарниот настан, како и минатата година, познати лица од јавниот живот ќе се појават во улога на модели, односно ќе им бидат придружба на модната писта на триесет деца со попреченост од повеќе градови во Македонија.

Оперските пејачи Васил Гарванлиев и Јаворка Витанова, пратеничката Катерина Кузмановска, Перо Костадинов, градоначалник на Валандово, шефицата на кабинетот на премиерот, Мирјана Јанева, ќерката на премиерот, Александра Заева, спортистите Дени Масев и Зоран Балдовалиев, креаторката Емили Пишева, се дел од модната ревија и уште голем број на менаџери, бизнисмени, хуманисти и луѓе кои едноставно сакаат да дадат свој придонес во ширењето на пораката дека сите сме исти и убави на свој начин.

Освен модната ревија двочасовната хуманитарна манифестација ќе биде збогатена и со други содржини, како што се настап на ученици од основните училишта „Сандо Масев“ и „Видое Подгорец“, како и танчерите од One Way Dance Studio“. На настанот како гости ќе присуствуваат и членови на Здруженија во Македонија со кои „Вера“ во изминатите години има потпишано меморандум за соработка и успешно соработуваат во повеќе заеднички активности.

Влезот е слободен, но ќе биде од хуманитарен карактер. Ќе има кутија за донација, каде секој посетител во рамките на можностите ќе може да донира.

Во недела во Хотел „Тивериопол“ во Струмица ќе се одржи традиционалната манифестација „Етно Вешта жена 2018“. Влезници по цена од 400 денари (со вклучена вечера), ќе може да резервирате кај Виолета на: 078/603-410 и кај Илинка на: 075/918-126.

На 1 декември 2018 година (сабота), во Катедралната црква „Успение на Пресвета Богородица“ во Струмица со почеток во 19:00 часот ќе се одржи пригодна Академија во чест на новооснованата Епархија.

На 2 декември 2018 година (недела), во 09:00 часот ќе се служи Света Архиерејска литургија во Катедралната црква која ќе ја предводи Неговата Еминенција кардинал Леонардо Сандри, Префект на Конгрегацијата за Источните цркви во Рим.При оваа пригода ќе бидат прочитани Декретите од Светиот Отец Папа за основањето на Епархијата и првиот Епархиски епископ и неговото устоличување.