Од ЕВН Македонија - КЕЦ Струмица информираат дека поради реализација на инвестициони зафати за подобрување на квалитетот во снабдувањето со електрична енергија, во петок, 26 јули, од 09:00 до 11:00 часот, без електрична енергија ќе останат, село Свидовица и ТИРЗ Струмица, а краток прекин во електроснабдувањето ќе има и во селата Банско, Куклиш, Муртино, Еднокукево и Робово.

Вчера околу 15:00 часот на крстосницата од улиците „Никола Тесла“ и „11 Октомври“ во Струмица, А.И. (38) од Струмица, управувајќи мопед „Џилера“, во еден момент изгубил контрола врз мопедот и паднал на коловозот. Во незгодата тој се здобил со тешки повреди и бил пренесен во Струмичката болница – информираат од СВР Струмица.

Во рамките на Роденденската акција во Продажниот салон на „Разнопромет АС“ во Струмица, утре (среда, 24 јули), ќе се одржи промоција на врвните брендови за електрични апарати на DeWALT и Stanley и ќе се продаваат со намалена цена од 20% на секој производи, а дополнително за секој купен производ ќе има подарок.

Роденденската акција во „РАЗНОПРОМЕТ АС“ во Струмица, е по повод 25 години од своето постоење, и ќе трае до сабота 27 јули со попуст од 10% на 30.000 артикли кои се наоѓаат во продажен простор од 1000 м².

Покрај попуст од 10% на се што има таму, со сметка од над 500 денари ќе бидете почастени со сендвич со плескавица и освежување со пиво, сок или леден чај.

„РАЗНОПРОМЕТ АС“ се наоѓа од левата страна на излезот од Струмица кон Дабиље...

Вечерва во 22:00 часот во големиот Градски парк во Струмица, кај езерцето, во рамките на „Струмица ОПЕН фестивал 2019“, ќе се прикажува македонскиот филм „Господ постои, името ѝ е Петрунија“.

Филмот „Господ постои, името ѝ е Петрунија“ е во режија на Теона Стругар Митевска, а е инспириран од настанот што се случи на Водици во 2014 година, кога Борислава Васкова го фати крстот фрлен во реката Брегалница во штипско Ново Село, за потоа да ѝ биде одземен. Во главната улога е Зорица Нушева.

Филмот се снимаше шест недели во Штип во текот на јануари и февруари 2018. Монтажата се одвиваше во Белгија, а звукот, лабараторијата и музиката во Белгија, Франција и Словенија.

Улогите ги играт: Зорица Нушева, Лабина Митевска, Петар Мирчевски, Виолета Шапковска, Симеон Мони Дамевски, Суад Беговски, Илија Волчески, Стефан Вујисиќ, Андријана Колевска, Владимир Тулиев.

Во деновите среда, четврток, петок, понеделник и вторник (24, 25, 26, 29 и 30 јули), во периодот од 05:00 до 12:00 часот ќе има промена на режимот на сообраќајот на магистрален пат А2, делница Струмица – Дабиље, поради геодетско снимање и геомеханички истражни работи, информираат од Автомотосојузот на Македонија.

Пред 7 години, на денешен ден 23 јули, над Струмица избувна пожар што се прошири на поголемиот дел од ридот, во кој трагично загинаа браќата Блажо Стојков и Пено Стојанов од Рич, Мите Ѓоргиев од Струмица и Војо Гркљанов од Вељуса, а 11-мина беа повредени.

Човечкиот фактор беше причина за големиот шумски пожар, кој предизвика голема трагедија што вечно ќе ја паметат струмичани. Огнената стихија напиша злокобно сценарио и ја зави Струмица во црно.

Денеска претпладне пред спомен обележјето, што се наоѓа до маркетот „Тинекс“, а кој општина Струмица го подигна во чест на четворицата храбри граѓани, беше одбележана 7-годишнината од големиот пожар.

Свежо цвеќе пред оваа обележје положија членови на семејствата на загинатите сограѓани, градоначалникот на Струмица Коста Јаневски и членови на Советот на општината, претставници на Сојузот на борците и на ОК на ВМРО-ДПМНЕ од Струмица.

„Храброста и беспоштедната борба со пламените јазици, за жал, беше платена со четири жртви и десетина повредени. Се случи трагедијата каква што нашиот град не памети. Имињата на загинатите ќе останат засекогаш врежани во нашите тажни сеќавања, како симбол на човековата храброст. Тие, и покрај прераното заминување од овој свет, остануваат бесмртни во струмичкиот споменар“ - рече во своето обраќање градоначалникот на Струмица, Коста Јаневски.

Попладне во 18:30 часот на местото на трагедијата, под „двата пата“, над градот Струмица ќе се одржи чествување во спомен на Блажо, Пено, Мите и Војо.

ФОТОГАЛЕРИЈА

Поради дефект на водоводната мрежа, од утрово во прекин е водоснабдувањето на дел од улицата „Маршал Тито“ во градот Струмица, на потегот од улицата „Ѓорги Упчев“ до патот кој води до населеното место Куклиш.

Од ЈПКД „Комуналец“ информираат дека екипите се на терен и работат на отстранување на дефектот, а нормализирање во водоснабдувањето се очекува денеска (вторник, 23 јули), до 14:00 часот.

Пред 7 години, на 23 јули, над Струмица избувна пожар што се прошири на поголемиот дел од ридот, во кој трагично загинаа браќата Блажо Стојков и Пено Стојанов од Рич, Мите Ѓоргиев од Струмица и Војо Гркљанов од Вељуса, а 11-мина беа повредени.

Човечкиот фактор беше причина за големиот шумски пожар, кој предизвика голема трагедија што вечно ќе ја паметат струмичани. Огнената стихија напиша злокобно сценарио и ја зави Струмица во црно.

Утре во 10:00 часот пред спомен обележјето, што се наоѓа до маркетот „Тинекс“, а кој општина Струмица го подигна во чест на четворицата храбри граѓани, ќе биде одбележана 7-годишнината од големиот пожар.

Попладне во 18:30 часот на местото на трагедијата, под „двата пата“, над градот Струмица ќе се одржи чествување во спомен на Блажо, Пено, Мите и Војо.

Денеска околу 15:30 часот избувна пожар во атарот на селото Куклиш, кај Струмица. Гореше депонија и сува трева.

Пожарникарите го спречија проширувањето на огнот кон планината, кој од тивкиот ветер зафати површина од околу 500 метри квадратни.

Тројца пожарникари со едно противпожарно возило учествуваа во гаснењето на пожарот кој беше изгаснат околу 16:20 часот. Се претпоставува дека предизвикувањето на пожарот е од човечки фактор.

Вернерка Ристовска од ОО на СДСМ во Струмица на денешната прес конференција вели дека власта предводена од СДСМ и на централно и локално ниво, најмладите, децата, ги стави во своите приоритети.

Интегрален текст од прес конференцијата:

За Социјалдемократскиот сојуз на Македонија, зборот даден пред Вас е збор и тој важи. Ветеното се исполнува, животот се подобрува, насекаде и за сите. Во сите области и за сите категории граѓани, се случуваат позитивни промени.

Власта предводена од СДСМ и на централно и локално ниво, најмладите, децата, ги стави во своите приоритети, затоа што нивниот правилен раст и развој создава здрави граѓани на нашето општество. А кога приоритетите ќе се совпаднат, резултатите се видливи.

Во континуитет се модернизираат сместувачките капацитети за децата од предучилишна возраст. Но, со зголемувањето на нивниот број, се работи на обезбедување на современи услови за престој на децата.

Во блокот 36 во поранешната касарна ќе се гради нова градинка . Општината и Владата на Република Северна Македонија имаа слух за потребите на граѓаните и оваа есен ќе започне реализацијата на овој проект. Во новата градинка која ќе биде изградена по најсовремени стандарди, ќе бидат згрижени 250 деца.

Од оваа есен нови згрижувачки капацитети за децата од предучилишна возраст ќе има и во населените места Куклиш и Муртино. Со преадаптација на постоечки објекти се обезбеди згрижување за 80 дечиња. Со ова, подеднакво право на бенефитите од ваквото згрижување на децата добиваат и граѓаните од овие села.

Грижата за најмладите не застанува тука. Во клон 4 на градинката „Детска радост“ кај Црвен крст ќе се врши реконструкција, во клон 2 доградба на уште четири простории, а во поранешното училиште „Јахја Кемал“ ќе се пренаменат простории за целодневен престој на деца на возраст од 6 до 10 години.

Почитувани граѓани,

Ете вака, оваа власт се грижи за вашите деца. СДСМ е ваш партнер. Заедно ќе ги утврдуваме приоритетите, ќе ги решаваме проблемите и ќе создаваме подобар живот за сите. За нас зборот важи.

Вечерва со почеток од 22:00 часот во градскиот парк кај езерцето ќе биде поставен голем екран на кој ќе се прикажуваат анимирани филмови под отворено небо.

„Публиката ќе може да ужива во поинаков тип на анимирани филмови кои се разликуваат од комерцијалните на кои сме навикнати. Ќе бидат прикажани 10-тина краткометражни филмови, уметнички дела од врвни наши и странски режисери“, велат организаторите на „Струмица ОПЕН фестивал“.

Утре пак, на истата локација од 22:00 часот ќе биде прикажан македонскиот долгометражен филм „Господ постои, името и е Петрунија“

Денеска околу 13:00 часот кај Робовска раскрсница се случи сообраќајна незгода помеѓу три возила.

Од СВР Струмица ја потврдија информација, но се уште се врши увид, а по завршувањето на увидот ќе дадат информација за незгодата.

Од Итната медицинска помош велат дека екипата е на терен и засега не можат да дадат информации за состојбата на патниците кои учествувале во сообраќајката.

Во моментот регионалниот пат од Струмица кон Граничен премин „Ново Село“, кај Робовска раскрсница е во прекин.

Започна роденденската недела во „РАЗНОПРОМЕТ АС“ во Струмица, по повод 25 години од своето постоење, а која ќе трае до сабота 27 јули со попуст од 10% на над 30.000 артикли кои се наоѓаа во продажниот простор од 1000 м².

Само денеска во „РАЗНОПРОМЕТ АС“ презентација на производите на познатиот бренд Iskra со попуст од 20% на сите нивни производи.

Од денеска до сабота, покрај попуст од 10% на се што има таму, со сметка од над 500 денари ќе бидете почастени со сендвич со плескавица и освежување со пиво, сок или леден чај.

„РАЗНОПРОМЕТ АС“ се наоѓа од левата страна на излезот од Струмица кон Дабиље...

ФК Академија Пандев е пред ангажман на три екстра засилувања. Имено, како што дознава СПОРТМЕДИА, во текот на утрешниот ден и официјално би требало да стават потпис Марио Маслаќ, одличниот стопер кој минатата сезона играше за Беласица. Потоа во Струмица доаѓа „џинот“ Марко Рајковиќ, кој во пролетниот дел го предводеше нападот на Силекс, а најинтересен е Давор Зафиров, фудбалер кој е со шпански пасош и таму е роден, но со македонско потекло и доаѓа од екипата на Тенерифе.

Доцна синоќа, во 01:10 часот на магистралниот пат Струмица - Радовиш, на делницата за Струмица до Василевска раскрсница, Ј.Ц. (33) од село Ораовица, радовишко, управувајќи патничко возило „Опел зафира“ со радовишки регистарски ознаки, удрил во патничко возило „Фолксваген голф“ со штипски регистарски ознаки, управувано од Р.Р. (40) од Радовиш, по што излетал надвор од коловозот – информираат од СВР Струмица.

Ј.Ц. починал на местото на настанот, а смрт констатирал лекар од Итна медицинска помош. Увид извршиле Јавен обвинител и екипа СВР Струмица.

Синоќа во рамките на „Струмица ОПЕН фестивал 2019“ се одржаа и 25-тите Музички средби на лица со телесен инвалидитет „Мобилност“, на кои 14 учесници од Скопје, Битола, Прилеп, Велес, Кавадарци, Штип, Радовиш и Струмица се натпреваруваа кој поубаво ќе отпее, а се пееја традиционални македонски народни песни.

Најдобар, односно првото место според жирито го освои Ристо Спиркоски од Прилеп, второто Јованка Атанасова од Велес, додека третото место го освои Петре Јованов од Радовиш.

Настанот беше отворен со перформанс „После дождот“ во изведба на групата „Надеж“ од Завод за заштита и рехабилитација „Бања Банско“ со ученичката Ева Стојковска и Центарот за балетска уметност „Reverence“ на Оле Илиева.

ФОТОГАЛЕРИЈА