По објавата во некои медиуми дека гори депонијата „Шапкар“ кај Добрашинци, од ЈПКД „Комуналец“ Струмица ја информираат јавноста дека оваа информација е целосно не точна. Нивното тврдење го поткрепуваат со видео и фотографии кои денеска се направени на депонијата.

Во „НУГА БЕСТ“ центарот во Струмица се одржа презентација и разговори со претставници на светски позната компанија „НУГА БЕСТ – НУГА МЕДИКАЛ“ од Сеул, Јужна Кореја на тема: „Долгите инфрацрвени зраци од Тоурманиумот и нивните ефекти врз човекот и неговото здравје“, на која говореше претседателот за Европа, Јанг Чун Мо.

„Наједноставно е тоа што без тие зраци од сонцето нема живот како за растенијата животните така и за човекот! Тоурманиумот е тој којшто ги емитува долгите инфрацрвени зраци (ДИЦЗ) и кој го има во сите производи на Нуга Бест. Со третманите на Н5 креветот како и на останатите производи, ние му овозможуваме на нашиот организам да ги апсорбира тие зраци 7,7цм во телото и во секој поглед да влијае на подобрувањето на нашата здравствена состојба, подобрување на имунолошкиот систем, а со тоа и превенирање од болести. Едноставно ДИЦЗ се животно неопходни за секој човек и за неговото здравје и општата психофизичка добра состојба“ – кажа Јанг Чун Мо.

Многу од корисниците на производите на „Нуга Бест“ во Струмица имаа прашања, на кои г-дин Јанг им даваше исцрпни одговори во повеќе од три часа дружење.

„Оваа презентација и средба беа одлична можност за подетално запознавање на струмичани со бесценетите здравствени ефекти од користењето на третмани на Н5 креветот. Нашите клиенти во Струмица, преку „Нуга Бест“ центарот имат прекрасна можност да ги користат производите на „Нуга Бест“ кои се темелат на многувековното знаење на Далекиот исток за негување и одржување на човековото здравје“ – ни рече раководителот на „Нуга Бест“ центарот во Струмица, Тања Мицева.

ТОУРМАНИУМ

Тајната на каменот на животот, каменот на здравјето.

Тоурманиумот е сертифицирана керамика составена од 4 (четири) ПРИРОДНИ ЕЛЕМЕНТИ кои на нашето тело делуваат лековито и благотворно:

1. ЦРНА ТУРМАЛИНА

Во природата ја има во повеќе бои,но научниците ја употребуваат токму црната турмалина, зошто?

Затоа што од сите минерали на земјата таа е главен проводник на енергијата и емитува  минерали неопходни за нашето здравје како калиум калциум магнезиум железо јод флуор и др. Врз организмот влијае во реизградбата на ендокриниот систем и го зајакнува имунолошкиот систем, го смирува автономниот нервен систем, помага кај ревматските заболувања. Исто така ја прочистува крвта и течностите во нашето тело ја зголемува енергијата на телото, како и циркулацијата на крвта.

Турмалината ни дава долги инфрацрвени зраци (ДИЦЗ) топли зраци, кои ние ги примаме од сонцето и од кои зависи целокупниот живот на земјата и кои на нашето тело му прават регенерација.

Медицината ги користи во инкубаторите за предвреме родените бебиња, како и за тие бебиња што имаат заболување, проблеми со дишењето, работата на срцето, инфекции, слаборазвиени органи и др. Долгите инфрацрвени зраци се тие без кои животот не може да се замисли на планетата, преку турмалината тие навлегуваат во нашиот организам 7,7цм и делуваат лековито на органите и целото тело. Исто така турмалината емитира и негативни јони кои се многу добри антиоксиданси, како и со ефекти врз луѓето со артритис, болки во зглобовите, ревматски болки во прстите, грбот, колената.

Во природата негативните јони ги има на планините, покрај морињата и океаните, езера, водопади... каде што има поголемо количество на кислород.

После грмотевици и дождови воздухот е исполнет со негативни јони и луѓето веднаш се чувствуваат подобро и посвежо, бидејќи негативните јони делуваат исклучително благопријатно врз човечкото тело.

Сето оваа преку ТУРМАЛИНАТА се добива во ТОУРМАНИУМОТ!

2. ГЕРМАНИУМ

Дејствува како носител на кислородот до секоја клетка, му помага на организмот во самолекувањето со зјакнување на имунитетот, како и елиминирање на супстанците кои ни предизвикуваат замор. Исто така дејствува во елиминирање на покачен холестерол, бактериски инфекции, делува против канцерот, па дури и сидата!

3. ЕЛВАН

Тоа е корејски гранит кој има способност да прима и разложува штетни честички, тешки метали, ги неутрализира токсините и притоа испушта пријатна миризба. Помага да се прочисти крвта и клетките, го забрзува распаѓањето на отпадните материи од организмот. Ги отстранува лошите миризби и е многу ефикасен кај заболувања на кожата!

4. ВУЛКАНСКИ КАМЕН

Тој е одличен впивач на топлината и ја пренесува својата топла енергија до најдлабоките делови на телото и така ја подобрува и забрзува циркулацијата на крвта, го подобрува метаболизмот и регенерација на ткивата. Вулканскиот камен е најголем чистач и детоксификатор на се, па и на човечкиот организам. Освен тоа се употребува и во една форма во борбата против ракот.

Сите овие четири елементи се споени затоа што взаемно меѓусебе ја разменуваат енергијата. Нивните карактеристики споени во еден ТОУРМАНИУМ прават една огромна енергија што ни дава здравје.

За да може да делува најважно е да пиеме вода правилно и во што поголема количина, така ефектите се максимални.

Тој е иднината на човештвото, тој е збир на знаењата на Далекиот исток за здрав  живот, живот без болки, со насмевка и среќа!

ТОУРМАНИУМОТ ЕДИНСТВЕН И ОРИГИНАЛ САМО ВО НУГА БЕСТ на Н5  КРЕВЕТОТ КАКО И НА СИТЕ ОСТАНАТИ ПРОИЗВОДИ (Т9 појас, ДУШЕК СО ПРОЕКТОР И ПЕРНИЧЕ, ЕЛЕК и други производи од компанијата НУГА МЕДИКАЛ –Јужна Кореја).

Комерцијална објава

Струмица се закити со новогодишно руво. Градот блесна во новогодишен сјај. Елка висока 15 метри на градскиот плоштад, светлосно небо, мрежи, топки, осветлени палми и дрвја, се само дел од новогодишните украси поставени на повеќе локации во градот.

Градоначалникот на Струмица, Коста Јаневски пред малку објави на својата официјална Фејсбук страна фотографии од комплетното украсување во централниот дел на градот. Погледнете ги фотографиите, а и видеото на ТВ канал ВИС и уживајте во Новогодишниот амбиент на Струмица.

Денеска во средните општински училишта „Јане Сандански“ и „Никола Карев“ и во основните училишта „Сандо Масев“, „Видое Подгорец“ и „Маршал Тито“ во Струмица беа поставен 26 прочистувачи на воздух.

Станува збор за донација за Општина Струмица од страна на Владата на Република Северна Македонија, како една од мерките за помош на општините за решавање на проблемот со аерозагадувањето.

Овие апарати служат за отстранување на контаминација, односно на загадување од материи или заразни бактерии во една просторија. Тие се корисни во подобрувањето на квалитетот на воздухот во просторијата.

Во недела 22 декември, на иницијатива на струмичанецот Николчо Ѓоргиев, кој живее и работи во Швајцарија, а во организација на Велосипедскиот клуб „АКТИВ“ од Струмица, ќе се одржи Меморијален настан „Трчаме со Николчо“, во чест на легендата на македонскиот фудбал, Благој Истатов, кој почина минатата година.

Ќе се трча 42 километри од Струмица до Дојран. Досега пријавени се 20-тина љубители на трчањето, а со нив ќе бидат и десеттина велосипедисти од Велосипедскиот клуб „АКТИВ“.

Стартот е закажат во недела точно во 10:00 часот од стадионот „Благој Истатов“ во Струмица со десеттина граѓани предводени од Николчо, а кај Валандово ќе им се приклучат уште десеттина пријавени учесници.

Во чест на јубилејот, 10 години одржување на хуманитарните Новогодишно-Божиќни концерти на СОУ „Јане Сандански“ од Струмица, дел од професорите застанаа пред камера за да ги споделат нивните сеќавања. Тие добија задача да издвојат еден најомилен концерт од досегашните девет изданија и да го раскажат моментот кој им оставил најсилен впечаток.

Некои беа навистина неодлучни, а дел од нив брзо ја освежија својата меморија и издвоија неколку омилени настапи и изведби.

Инаку, јубилејниот концерт со наслов „Деценија“ ќе се одржи на 5 јануари во НУЦК „Антон Панов“. Од утре ќе бидат пуштени во продажба влезници за двата термини, во 18:00 и 20:00 часот, по цена од 150 денари, а собраните средства од продажбата на влезниците ќе бидат донирани за лекување на струмичанецот Стојче Јовановски.

Денеска на 19 декември, православните верници во Македонија ја празнуваат најчестата слава во македонските домови, Свети Никола.

Станува збор за посна слава, па на трпезата ќе доминираат посна сарма, посно гравче, риба.

Во народното паметење овој лик останал како заштитник на патниците, посебно на оние што патуваат по вода, но и по тоа што како за време на животот така и по смртта ги помагал сиромасите, ги заштитувал затворениците и неправедно осудените, ги откупувал робовите и ги пуштал на слобода.

Се верува дека луѓето ги штител од секакви неприлики, но сепак во народното предание најповеќе е запаметен како господар на водите, на морињата, а со тоа и заштитник на корабите и на патниците што патувале со нив. Затоа, пред него се молат особено оние што тргнуваат на пат по вода. Во македонските народни преданија се раскажува дека еднаш кога патувал по вода бродот потонал, а тој шест недели поминал на една штица. За цело време се молел на Бога да го спаси, а Господ не само што го спасил, туку затоа што бил исполнет со верба кон Бога и што го молел го назначил за заштитник на морепловците.

Именден слават: Никола, Нино, Николина, Коле…

Министерот за здравство, Венко Филипче, денеска во Струмица одговорајќи на новинарско прашање за состојбата со заразната жолтица, информираше дека до сега се регистрирани вкупно 62 случаи на заразна жолтица.

„Имаше повеќе работни средби од страна на експерти од Институтот за јавно здравје и најбитно е тоа што нема епидемиолошка поврзаност на случаите, туку сите тие се поединечни и во повеќе школи, што значи дека не е изворот во школите, туку жолтицата е донесена од надвор. Будно се прати ситуацијата. Морам да апелирам и да соопштам дека заразната жолтица е болест на нечисти раце. Апелирам до децата, задолжително да ги мијат рацете, поради тоа што тоа е начинот на кој што оваа болест се спречува, односно не се појавува“ - кажа Филипче.

Министерот за здравство Венко Филипче денеска присуствуваше на отворањето на четвртото Роса школо за родителство во Здравствениот дом во Струмица.

Секторот за внатрешни работи - Струмица, во пресрет на Новогодишните и Божиќните празници, имајќи во предвид дека пред и за време на празниците од страна на граѓани, малолетници и деца, неовластено се употребуваат пиротехнички средства (петарди, палење ракети и други пиротехнички средства), со што се нарушува јавниот ред и мир и безбедноста на граѓаните, ги известува граѓаните дека неовластената употреба на пиротехнички средства е казнива согласно Законот за прекршоци против јавниот ред и мир, Законот за заштита од експлозивни материи и Кривичниот законик на Република Северна Македонија.

Закон за прекршоци против јавниот ред и мир, член 31 „кој неовластено пука од огнено оружје, употребува пиротехнички средства или сличен експлозив или запалив материјал или на сличен начин го нарушува мирот и безбедноста на граѓаните ќе му се изрече глоба во износ од 200 до 500 евра.

Законот за заштита на експлозивни материи, член 69 став 1 точка 4 „оној кој набавува експлозивни материи заради употреба без одобрение ќе му се изрече глоба во износ од 200 до 400 евра.

Кривичен Законик на РСМ, член 396 став 1 „тој кој што неовластено употребува, држи, продава, набавува или врши размена со огнено оружје, муниција или експлозивни материи, ќе се казни со затвор од 1 до 10 години“. Став 2 од истиот член „ако предметот од делото од став 1 е поголема количина на огнено оружје, муниција или експлозивни материи кои на граѓаните им се забранети, ќе се казни со затвор од најмалку 5 години“. Став 3 „предметите од став 1 и 2 и средствата за нивно изработување пренесување и растурање ќе се одземат“.

Палење ракети, приредување огномет, фамилијарни или слични приредби мора да се пријават во МВР - Сектор за внатрешни работи на чие подрачје се одржува приредбата, најдоцна два дена пред почетокот на приредбата.

Од СВР Струмица апелираат до граѓаните да соработуваат со полицијата, доколу забележат лица кои на тезги, продавници или магазини продаваат пиротехнички средства или неовластено употребуваат пиротехнички средства, истите да ги пријават на полициски службеници лично или преку бесплатниот телефонски број 192.

Денеска во ЈЗУ „Здравствен дом“ во Струмица беше отворено Роса школо за родителство, донација од „Пивара Скопје“ и компанијата „Coca-Cola“ преку „Роса“, а во партнерство со Министерството за здравство.

Ова „Роса“ школо е всушност четврто досега отворено од почетокот на проектот во 2018 година, а до крајот на овој месец ќе бидат отворени уште две, во Општата болница во Охрид и во Општата болница во Куманово.

На денешното отворање министерот за здравство, Венко Филипче, директорката на болницата Љубица Митева и бренд менаџерот за негазирани пијалаци во „Пивара Скопје“, Катерина Хаџи-Ангелеска Начевска, ги поздравија присутните, и тимот доктори кои ќе работат во рамки на школата.

„Навистина ми е драго што овој проект вистински живее, а уште повеќе што „Роса“ школите се одлично прифатени ширум земјава. Од името на „Пивара Скопје“, искрено благодарам што Министерството за здравство сесрдно ја поддржува нашата мисија за чинење добросостојба за целата заедница, а за тоа говори и Меморандумот за соработка што минатата недела го потпишавме. Ни претстои отворање на уште две школи годинава, а со Меморандумот се обврзуваме на уште три до крајот на 2020 година, со цел на што повеќе семејства да им ги овозможиме бенефитите од овие бесплатни работилници. Во меѓувреме, ги поканувам сите трудници од Струмица и членовите од нивните потесни семејства да се пријавуваат за обуките и да ја посетуваат „Роса“ школата во нивниот град“ - кажа Катерина Хаџи-Ангелеска Начевска.

Целта на „Роса“ школите за нови родители е всушност тие да се едуцираат како да се справат со предизвиците, но и да се поддржат во првите денови од родителството, а обуките опфаќаат повеќе корисни теми како здрава нега во бременоста, психофизичка подготовка за породување, доење, нега на новороденчето, родителство и слично. Во рамки на „Роса“ школата ќе работи обучен и квалификуван тим сочинет од специјалист гинеколог-акушер, педијатар и патронажна сестра, кои ќе се обидат да одговорат на сите прашања и дилеми кои новите родители би можеле да ги имаат.

„Како Министерство за здравство навистина ја согледавме потребата од ваков облик на групни здравствено-едукативни работилници во Здравствениот дом во Струмица и во оваа прилика би сакал да ја поздравам одлуката на „Пивара Скопје“ за продолжување на проектот и во нови градови. Ние обезбедуваме експертска помош и стручен кадар од лекари специјалисти кои работат во овие школи и убеден сум дека струмичани ќе имаат вистински бенефит за сите прашања врзани со родителството. Родителството се учи. Да им овозможиме одговорно и успешно родителство на сите идни родители“ – кажа на отворањето на школата, министерот Венко Филипче.

„Честа е навистина голема што и нашиот Здравствен дом е ставен на мапата за „Роса“ школи за родителство и во таа насока, би сакала да изразам голема благодарност до „Пивара Скопје“ и Министерството за здравство што се сетија и на нас. Во ова школо ќе работи стручен тим од доктори од овој Здравствен дом и искрено верувам дека младите семејства и сите идни родители од Струмица ќе се пријавуваат за работилниците и ќе ги уживаат придобивките што тие ги нудат, сѐ со цел вистински да се едуцираат за родителството и подготвени да зачекорат во родителските улоги“ - кажа изјави директорката на ЈЗУ „Здравствен дом“ Струмица, Љубица Митева.

Средствата за „Роса“ школите се собрани преку кампања во која за оваа намена се издвојуваше по 1 денар од секое продадено шише вода „Роса“ од 1,5 литар.

Со одлука на Судиската организација при Фудбалската Федерација на Македонија, Марјан Гоцевски од Струмица е избран за најдобар судија во мак-фудбалот за 2019 година, односно за сезоната 2018/2019. Ќе биде прогласен за најдобар и официјално на гала свеченоста која традиционално се организира од страна на ФФМ, на 24 декември во МНТ – пишува www.sportmedia.mk

Марјан Гоцевски е еден од плејадата наши помлади судии кои уште сега се на исто ниво со „интернационалците“, Ставрев, Мечкаровски и Јакимовски, кои долго време беа неприкосновени и долго време го носеа епитетот  најдобри наши делители на правдата во мак-фудбaлот.

Претседателот на Општинскиот комитет на ВМРО-ДПМНЕ во Струмица, Александар Донев, на денешната прес конференција реагираше на енормно загадениот воздух во Струмица, а за власта дека останува глува, како што рече, „не може да се одважи и пред јавноста да ги открие и справи со главните загадувачи на воздухот над Струмица“.

Интегрален текст од прес конференцијата:

За жал, последниве денови Струмица според одредени мерни станици за загаденост на воздухот е меѓу првите во светот.

И покрај реакцијата на граѓаните и невладиниот сектор и покрај нашата реакција со предлози и мерки, власта останува глува.

До сега, освен банални мерки и ситни казни власта не може да се одважи и пред јавноста да ги открие и справи со главните загадувачи на воздухот над Струмица.

Во меѓувреме, значително е зголемен бројот на граѓани кои се почесто се жалат на здравствени проблеми директно или индиректно поврзани со оваа нова еколошка катастрофа.

Состојбата е алармантна затоа што загадувањето најсилно ги погодува децата, старите и болните лица.

Дванаесет години актуелниот премиер беше градоначалник на Струмица, и веќе три години СДСМ ја има апсолутната власт во државата.

Дванаесет години СДСМ создаваше урбан хаос и сложени бизнис врски во наводната „Европска Струмица“, додека за неспособното раководење ги обвинуваше претходните Влади.

Три години нема ниту инвестиции ниту проекти и сите сме свесни дека неспособните раце на апсолутната власт во спрега со бизнисот, сериозно посегнуват по здравјето и животот на граѓаните.

Струмичани разочарани од загадениот воздух иронично коментираат дека: конечно од „европска“, Струмица станала „светска“.

Од утре (среда, 18 декември) во 19:00 часот, во галеријата на НУ Завод и Музеј во Струмица ќе биде отворена изложба на фотографии „Сонцељубивите македонски сефарди“.

Станува збор за фотографии од Втората светска војна во Македонија на македонските Евреи кои беа вклучени во редовите на Народноослободителната војска и партизанските одреди на Македонија, но и моменти забелажани од фотообјективите пред тргнување на Евреите депортирани од Македонија во концетрационите логори.

СВР Струмица поднесе кривична пријава против 29-годишниот М.Д. од Струмица, поради постоење основи на сомнение за сторени кривични дела „послужување во службата“ и „недозволено изработување, држење и тргување со оружје или распрскувачки материи“.

Имено, на 6 декември на улицата „Бетовенова“ во Струмица, во домот на пријавениот полициски службеник, полициски службеници извршиле претрес, при што пронашле и одзеле службена легитимација, 26 куршуми калибар 9 мм., 13 куршуми калибар 7,62 мм., тромблонски додаток за автоматска пушка, заштитен шлем со визир, пиштол и радио врска, кој истиот неовластено ги поседувал - информираат од СВР Струмица 

Претставата „Реалисти” од Јелена Кајго, во режија на Срѓан Јанаќиевиќ, а во продукција на Српскиот културен центар „Спона“, ќе биде изведена во Струмица на сцената во НУЦК „Антон Панов“ во петок од 20:00 часот.

„Реалисти“ е драма која е динамична и духовита, а полна со потиснати емоции и подтекст. Пошироко гледано тоа е приказна за сите компромиси и одрекувања од сонот, кои мора да ги направиме за да преживееме во вакво општество.

На крајот остануваме изгубени и сами, бидејќи сосема сме го заборавиле тој сон, заробени во прагматизмот на системот на либералниот капитализам кој не ти дозволува избор. Да се биде реалист, да се биде лишен од утопии и идеали, води кон лудило.

Станува збор за драма која третира повеќе современи теми: оттуѓеноста на луѓето, нивната трка по финансии и престиж, борба за „успех во животот“ по цена на нарушено здравје, отсуство на емоции и љубов, нечовечност…

Со оглед на посветеноста на екипата, храброста и позитивната атмосфера во текот на процесот, „Реалисти“ е претстава во која публиката ужива со секоја нова изведба.

Актерската екипа е составена од: Ивица Димитиевиќ – Грегор, Владимир Петровиќ – Предраг, Нина Деан Гачиќ – Соња, Ивана Павлаковиќ – Гордана и Стефан Вуисиќ – Ратко.

Петок, 20 декември | 20:00 часот | НУЦК „Антон Панов“ Струмица

Традиционалниот Новогодишно-Божиќен концерт што го подготвуваат хористите на СОУ „Јане Сандански“ од Струмица ќе се одржи на 5 јануари во новата година.

Ова ќе биде десетти хуманитарен Новогодишно-Божиќен концерт на СОУ „Јане Сандански“, насловен „Деценија“, а ќе се одржи на големата сцена во НУЦК „Антон Панов“ во Струмица и тоа со две изданија, во 18:00 и 20:00 часот.

Овој петок ќе бидат пуштени во продажба влезници за двата термина по цена од 150 денари. Средствата ќе бидат донирани за лекување на наши сограѓани.