По повод одбележувањето на Октомври како месец за борба против ракот на дојката, Зорица Заева и д-р Венко Филипче од име на Фондацијата „ЗАЕВ – Едно општество за сите“, во придружба на директорот на Универзитетската клиниката за радиотерапија и онкологија, д-р Нино Васев и вработени во Клиниката, донираа перики на 15 пациентки кои се лекуваат од рак на дојка на оваа клиника, посакувајќи им брзо и успешно оздравување.

„Во услови кога расте бројот на заболени од карцином на дојка, но, за среќа, се намалува процентот на смртноста од ова малигно заболување, потребно е, повторно и повторно, да се укажува на најважните нешта кои се во функција на поефикасно справување со болеста. Навременото откривање значи откривање реална шанса за живот. Затоа, постојано апелираме – секоја жена навреме да се прегледува – навременото откривање е предуслов за ракот на дојка да биде може да биде излечен. Сите заслужуваат здравје, сите заслужуваат живот. Борбата против ракот на дојката не е само нивна. Наша е, на секој од нас, на секој поединец, агенција, институција, невладина организација, фондација. Праќаме порака за борба, борба за живот“, велат од Фондацијата „ЗАЕВ – Едно општество за сите“.

Владата на денешната седница донесе Одлука за дополнување на одлуката за посебни услови за трговијата на одделни стоки. Со оваа одлука, на предлог на Министерството за економија, се замрзнува маржата и за млечните производи: урда, крајво бело сирење и мешано бело сирење, кашкавал, кисело млеко и павлака и јогурт, за коишто се ограничува највисока трговска маржа до 10% во трговијата на големо и трговијата на мало, информираат од Владата.

При редовна контрола на Државен пазарен инспекторат во трговијата на мало и трговијата на големо, според Информацијата од Министерството за економија, укажано е на потребата од интервенција кај наведните стоки, поради растот на нивните цени.

Како што е познато, од 14 јуни 2022 година, утврдено е замрзнување на маржите на основните прехранбени производи: леб (бел), шеќер (бел), сончогледово масло за јадење (без ладно цедено масло), брашно од пченица (тип 400 и тип 500), макарони и шпагети од тврда пченица, македонски бел ориз и трајно кравјо млеко со масленост од 2.8%, 3.2% и 3.5%, со трговска маржа со важност до 31 декември 2022 година.

Се ближи 9-от роденден на најголемиот салон за мебел во Македонија „Home by Almak“ на струмичкиот бренд „Алмак“, препознатлив цели 27 години кај нас и во регионот.

Специјалната викенд-акција за одбележување на 9-от роденден ќе започне утре, четврток (6 октомври) и ќе трае до сабота (8 октомври), а попустите ќе продолжат и во недела (9 октомври), онлајн на нивната веб продавница www.almak.mk

Најголеми попусти досега! Овој викенд е МЕГА викенд затоа што цел тапациран мебел од „Home by Almak“ може да го купите по СУПЕР ПОПУСТ од -18% и уште многу, многу други попусти до -35% на се што е изложено таму. Заборавете на сè, ова е понудата која не смеете да ја пропуштите!

Освен бројните попусти, Алмак ќе дели и подароци за СЕКОЈА направена нарачка во еден од четирите салони низ Македонија или онлајн. За над 30.000 денари добивате ваучер од 2.000 денари, а за секое купување во износ над 50.000 денари добивате ваучер од 6.000 денари.

Кулминацијата на роденденското расположение ќе биде во сабота од 12:00 часот кога од кровот на славеничкиот салон кај Струмица ќе бидат пуштени стотици балони кои внатре кријат вредни награди.

Од „HOME by Almak“ отворена покана до сите потрошувачи, да го посетат салонот и да ги разгледат над 10.000 парчиња производи за секој дом, сместени на површина од 5500 м², во салонот кој се наоѓа во Индустриска зона Василево, покрај патот Струмица – Радовиш.

Попуст од -25% на сите дневни, спални, претсобја и детски соби од Jela Jagodina и BRW, -20% попуст на асортиманот на Happy House и на Dream by Almak, -15% на производите од Art Invest, -10% на СФ мебел, -5% на Inter Export, за секој нарачан душек подарок 2 перници, -30% на сите теписи, -20% на сите перници и уште многу, многу одлични зделки!

Македонскиот одбојкарски шампион „Струмица Никоб“ првиот натпревар од квалификациите во ЦЕВ Купот, сепак ќе го одигра на домашен терен.

Со оглед на тоа што салата на СЦ „Јане Сандански“ во Скопје е презафатена, „Струмица Никоб“ доби дозвола од ЦЕВ, натпреварот со хрватскиот одбојкарски клуб „Мурса“ од Осијек да го одигра во салата „Парк“ во Струмица.

Натпреварот „Струмица Никоб“ – „Мурса“ Осијек ќе се игра на 11 Октомври (вторник) со почеток во 19:00 часот. Реванш натпреварот е на 19 Октомври во Осијек, Хрватска.

Како резултат на успешната соработка помеѓу општините Босилово (Македонија) и Грмен (Бугарија), преку програмата за прекугранична соработка, во наредните 12 месеци ќе бидат изградени два бетонски одводни канали. Канал во Босилово, во должина од 500 метри (од стара Полициска станица кон сувата река до крајот на селото) и канал во Бориево (од центарот на селото кон Иљо Андонов), информираше градоначалникот на општина Босилово, Ристо Манчев.

„Покрај сите проблеми, постепено, но сигурно се движиме во посакуваната насока“ – напиша Манчев.

Следејќи го успешниот пример на работата на мобилните гинеколошки амбуланти низ различните општини во државата во текот на оваа година, Македонската асоцијација на гинеколози и опстетичари и Црвениот крст на Македонија информираат дека услугите од мобилната гинеколошка амбуланта ќе бидат достапни и во општината Василево.

Во мобилната гинеколошка амбуланта, почнувајќи од втората половина на септември 2022 година се нудат бесплатни гинеколошки прегледи за жените и девојките од ова општина за превенција од рак на грлото на матката и преглед, советување и упатување, со цел унапредување на сексуалното и репродуктвното зравје.

За бесплатен ПАП тест заинтересираните можат да се пријават на телефонските броеви на Црвениот крст. Термините за преглед ќе бидат секој работен ден со почеток од 10:30 часот.

„Ги повикуваме сите жени и девојки од територијата на oпштина Василево, кои од втората половина на октомври 2022 година, ќе сакаат да извршат бесплатен гинеколошки преглед, вклучувајќи и ПАП тест, да се обратат и да се пријават на телефонскиот број: 075 704 520 за закажување на термин. Термините ќе започнуваат од 10:30 до 14:00 часот“, велат од Црвениот крст.

Мобилната гинеколошка амбуланта ќе остане во општината неколку недели, додека има интерес кај пациентките.

Со работата на мобилната гинеколошка амбуланта треба да се зголеми бројот на жени од ранливите групи и од руралните и оддалечените места кои ќе направат бесплатни гинеколошки прегледи и да се подигне свеста за важноста од редовни скрининзи. Прегледите се најдобра заштита од рак на грлото на матката.

Прегледите, како и досега, ќе ги вршат гинеколози од Универзитетската клиника за гинекологија и акушерство во Скопје.

Работата на мобилните гинеколошки амбуланти е овозможена со поддршка на Министерството за здравство, Универзитетската Клиника за гинекологија и акушерство, Македонската асоцијација на гинеколози и опстетичари - МАГО, Македонското лекарско друштво, Црвениот крст и УНФПА – Фондот за население на Обединетите нации, кој ја обезбеди целокупната медицинска опрема неопходна за функционирање на мобилните амбуланти.

Денеска на плоштадот „Гоце Делчев“ во Струмица беше разиграно, распеано, весело, се слушаше детскиот џагор. Околу 350 деца од предшколска возраст од ЈОУДГ „Детска радост“ од Струмица ја одбележаа Детската недела, која годинава се одржува под мотото „Борете се за детските права“.

Фондацијата „ЗАЕВ – Едно општество за сите“ со финансиска и морална поддршка ја помогна активноста за одбележување на Детската недела од страна на ЈОУДГ „Детска радост“ Струмица, во која се вклучени децата од големите групи на ова институција.

Струмица доби уште еден современ отворен спортски терен за сите љубители на спортските активности.

Повеќенаменското спортско игралиште во дворот на Домот на АРМ во Струмица е комплетно завршено и ставено во функција, како и новата пристапна улица кон Домот на АРМ. Вредноста на ова инвестиција чинеше 7.620.000 денари, обезбедени од буџетот на Општина Струмица.

Градоначалникот на општина Струмица, Костадин Костадинов по повод светскиот Ден на учителот, 5-ти Октомври со честитка до наставниците.

„Кога велиме дека децата се нашата иднина тогаш мора сите да знаеме дека градители на патот кон таа иднина се учителите. Наставниците се тие кои, преку образовниот процес и воспитувањето, од децата прават луѓе, оние луѓе кои ќе ја преземат одговорноста за понатамошниот прогрес на заедницата, општеството и човештвото.

Има една мудрост која вели: „Просечниот учител раскажува. Добриот учител објаснува. Квалитетниот учител демонстрира. Најдобриот инспирира“. Ако е тоа така, тогаш нашиот заеднички стремеж треба да биде, да им овозможиме на наставниците да бидат инспиративни во процесот на примопредавање на знаењата. Тоа ќе го постигнеме само ако професијата-наставник ја издигнеме на највисокиот пиедестал. Наставниците тоа го заслужуваат.

Со желба за успех во воспитно-образовната работа, на сите наставници од општина Струмица им го честитам 5 Октомври – Светскиот ден на учителот. Отсекогаш сум бил и ќе останам на страната на наставниците“ – напиша во честитката градоначалникот Костадинов.

Вчера попладне околу 13:30 часот на локален пат од село Банско кон село Муртино, струмичко, Џ.Е.(20) од Банско, управувајќи патничко возило „Опел Вектра“ со струмички регистарски ознаки, изгубил контрола над возилото и излетал од патот, информираат од СВР Струмица.

Во незгодата со тешки телесни повреди се здобил сопатникот У.М.(20), кој бил пренесен во Комплекс клиники „Мајка Тереза“ во Скопје, а возачот и сопатникот И.И.(20) се здобиле со телесни повреди, констатирани во струмичката болница. Увид на местото извршила екипа на СВР Струмица.

Во среда, на 5-ти октомври, со почеток во 18:00 часот во малата сала на Дом на АРМ во Струмица ќе се одржи отворен едукативен настан на тема „Кариерни опции во IT и Дигитален маркетинг”.

Поради се поголемиот раст на овие индустрии и се поголемиот интерес луѓе од најразлични области да станат дел од нив, двајцата говорници и организатори, Глигор Ризов од SMX и Милан Савов од SmartClick одлучија да им помогнат во тој процес.

Поканети се сите кои размислуваат за промена на кариера или се на крстопат што да започнат да учат и кој е најдобриот кариерен избор, да присуствуваат на настанот во кој Глигор и Милан ќе ги споделат своите приказни, како и совети и насоки за присутните кои ќе им помогнат да ја донесат вистинската одлука.

Ќе се опфатат најважните прашања за секој кој сака да започне да работи во IT и Дигитален маркетинг:

  • Како да започнете;
  • Кои се пречките;
  • Кои се можностите.

Освен двајцата говорници, свои приказни и совети ќе споделат и веќе искусни IT професионални и маркетери кои не секогаш биле во овие индустрии, меѓутоа донеле одлука за промена и стигнале до успех во новите кариери.

Настанот е бесплатен, но поради ограничениот капацитет на салата, се замолуваат сите кои ќе присуствуваат, да ја пополнат кратката форма за потврда:

https://docs.google.com/forms/d/e/1FAIpQLSdbgH_QIPISfOoCpbMt1uqrf6Rzr7-xw0NcE4dI1IZVHOHwDw/viewform?fbclid=IwAR3D3JQvzLtjTupeE5Qfpa4Tjg5ECJn1biBJfgPOkOiy8bhrMPv3FIMX9Rk

Повеќе информации може да прочитате и на самиот настан на социјалните мрежи:

https://fb.me/e/1ZnUCliOQ

Струмичкото списание за наука, литература, култура и уметност, „ЗЕНИТ“, викендов имаше своја промоција на Меѓународниот научен собир „Современа српска фолклористика 12“ во Тршиќ, Србија.

Уредничките на списанието, Ана Витанова Рингачева и Сузана Мицева го претставија списанието пред книжевници, филолози и научници од Србија, презентирајќи ги визијата и содржините на списанието кое оваа есен ќе го добие двобројот 8-9.

Комплет од изданијата на списанието „ЗЕНИТ“ се подарија на Здружението на фолклористи на Србија, кои се организатори на тродневниот научен собир.

Исто така, се претстави и зборникот „Уште едно навраќање на Конески“, кој минатата година излезе со финансиска поддршка на Општина Струмица, а во кој се застапени трудови посветени на Блаже Конески, по повод 100-годишнината од неговото раѓање.

Одделот за внатрешна контрола, криминалистички истраги и професионални стандарди до ОЈО за ГОКК поднесе кривична пријава против полицискиот службеник Х.Г. од ПС за ОН Струмица, поради постоење основи на сомнение дека е сторител на кривично дело „малтретирање во вршење на службата“ по чл.143 од КЗ, информираат од МВР.

Имено, Х.Г. врз Н.Б., кој во моментот бил лишен од слобода и задржан во ПС за ОН Струмица, неосновано употребил физичка сила.

Против полицискиот службеник е покрената и постапка за утврдување на дисциплинска одговорност и суспензија од работното место.

ЕВН Македонија – КЕЦ Струмица за утре (вторник, 4 октомври) планира прекин на електричната енергија од 09:30 до 15:00 часот во реонот околу населеното место Дрвош, односно во Дрвош, Манастир Хамзали, репетитори на Телеком и А1 и Рудник „Огражден“.

Две момчиња, едно од струмичко Ново Село, украле туѓи лични податоци и земале брз кредит. Првопријавениот, М.М.(28) од Прилеп, вработен во финансиско друштво за брзи кредити, заедно со второпријавениот, А.Љ.(24) од Ново Село, кој претходно набавил фотографија од лична карта на оштетеното лице, ги злоупотребиле личните податоци на оштетениот и на негово име и негова сметка во четири наврати подигнале кредит од правното лице во износ од 53.000 денари со затезна камата од 32.870 денари.

СВР Струмица поднесе кривична пријава против М.М. и А.Љ. поради постоење основи на сомнение за сторени кривични дела „злоупотреба на лични податоци’’ и „фалсификување или уништување деловни книги’’.

Вчера се одржа 18-от „Виз Ер Скопски маратон“ на кој трчаа дури 8500 учесници од 47 држави. Меѓу ова голема бројка на учесници беше и 45-годишниот струмичанец Зоран Јовановски, единствениот кој со својата инвалидска количка ја помина патеката од 42 километри и стигна на целта.

Зоран Јовановски е од селото Ангелци, струмичко. Во 1996 година како 19-годишен војник кој дошол на отсуство, неговиот живот засекогаш ќе се смени. Тепачка во кафеана, во која не ни учествувал, му остава трајни последици, куршум завршил во неговото тело. Оттогаш Зоран е во инвалидска количка и со своите спортски подвизи е вистинска инспирација.

Инаку, Киплимо Киплагат од Кенија е победник на „Виз Ер Скопски маратон 2022“. Тој патеката долга 42 километри низ улиците на македонската метропола ја истрча со време од 2 часа 18 минути и 19 секунди.