Вечерва од 20:00 часот во Центарот за култура „Антон Панов“ во Струмица познатите интернационални музички состави од Бугарија Intelligent Music project & Vrabevski Super band ќе одржат бесплатен концерт за струмичани и ќе го промовираат најновиот албум насловен „Sorcery Inside“.

Дванаесет нови композииции на д-р Милен Врабевски ќе бидат во исполнение на едни од најталентираните бугарски музичари, Стојан Јанкулов, Бисер Иванов, Боби Косатката, Иво Стефанов, Ивајло Звездомиров, Славин Славчев, Лина Никол и Самуел Ефтимов.

„Sorcery Inside“ е четвртиот албум на д-р Милен Врабевски во кој учествуваа легендарните музичари, Simon Phillips (TOTO), Carl Sentence (NAZARETH), Richard Grisman (RIVER HOUNDS), John Payne (екс-ASIA), и Joseph Williams (TOTO).