Популарниот Џамбо Агушев и неговиот оркестар беа гости во познатото бугарско ТВ шоу на Слави Трифонов. Ги најави како македонски музиканти, плех оркестар кој свири балканска музика, исклучително професионално, кои докажаа дека балканската музика е богата како животот и проста како смртта.

Џамбо на струмички, Слави на бугарски добро се разбраа, ја насмеваа публиката. „Многу јако свирете, многу професионално и организирано, многу убаво свирете“ – му кажа Слави на Џамбо, па го праша од каде е и каде живее. „Јас сум од Струмица, блиску до Петрич“... Ќе питаш Џамбо дек живее и ќе ме најдеш... Има една маала се вика  „Свети Петнаесет“, там ќе ме најдеш“ – му одговори Џамбо.

Џамбо и неговиот оркестар беа и специјални гости на големиот концерт на бугарската пејачка Деси Добрева во Софија.