Синоќа во МОБ се одржа првиот од трите изведби на концертот „Simply the best“ со 15 македонски поп-рок и оперски пејачи.

Со традиционалниот Василичарски концерт се навраќаме во златното музичко време од осумдесетите и од деведесеттите. Во овој василичарски викенд публиката ќе има можност да ужива во популарните: „With or without you“, „Freedom“, „I drove all night“, „Listen to your heart“, „Simply the best“, „Every breath you take“, „I want to break free“, „Black velvet“ и многу други.

На сцената настапуваат: Александар Тарабунов, Елена Петреска, Ана Мицковска, Александра Јанева, Горан Наумовски, Ѓоко Танески, Арбен БЕНИ Шаќири, Дани Димитровска, Наташа Малинкова, Лена Заткоска, Даниел Дан, гостинот од Хрватска Бојан Јамброшиќ, како и оперските солисти Наде Талевска и Ѓорѓи Цуцковски. Тие се придружувани од хорот и големиот оркестар на Македонската опера и балет, под диригентската палка на Бисера Чадловска.

Александра Јанева ја отпеа хитовската „If I could turn back time“ на Cher, Lady Marmalade, заедно со Наде Талевска и Елена Петреска, а на затворањето на концертот ја отпеа и насловната тема „Simply the best“, на која и се приклучија нејзините колеги.