Маслото за јадење „Бисер“ на струмичката компанија „АЛ-МАКС“, добитник на повеќе признанија и награди за квалитет, ќе го освојува арапскиот пазар.

Според информациите, најпродаваното масло за јадење во Македонија „Бисер“, кое досега се извезуваше на пазарите во Србија, Косово и Албанија, почна да се извезува и во Катар. Ова вест ја потврдија и од компанијата „АЛ-МАКС“, која функционира веќе 19 години и според нив, ова е одлична можност да се пробива и освојува арапскиот пазар со брендот „Бисер“.

Маслото за јадење „Бисер“ кое со своите каректеристики е признаено од голем број кулинари и гастрономи, беше дел и од вториот интернационален гастрономски натпревар што се одржа во Струмица, а на кој присуствуваа над 300 готвачи од целиот свет. Сите тие готвеа со маслото „Бисер“ и го потврдија квалитетот, како при подготовка на готвените јадења, така и за свежи салати.

„Ова масло му дава посебен вкус на секое јадење, што говори за  одличниот квалитет“ - коментираа не само готвачите, туку и судиите кои ги оценуваа специјалитетите подготвени со „Бисер“.

Инаку, според информациите во наредниот период маслото за јадење „Бисер“ на Рафинеријата за масло „АЛ-МАКС“ Струмица, ќе се продава и на пазарот во соседна Грција, за што се преговара со одредени дистрибутери.