Во организација на „One Way Dance Studio“ од Струмица, во недела, 15-ти Мај во Струмица ќе се одржи Интернационален натпревар и конвенција во модерни танци – „Artist Hub Dance Competition“.

Натпреварот „Artist Hub“ е меѓународен танцов настан кој им овозможува на сите танчери да ја изразат својата креативност во различни стилови на танцување.

Струмица ќе биде домаќин на повеќе од 1000 танчери од Македонија и странство, кои ќе се натпреваруваат за парични награди и стипендии за танцови кампови.

„Artist Hub“ исто така има и едукативен сегмент, каде што познати кореографи, како Martina Toderi од Италија, Antoine Pitoulidou од Грција и Никола Гавриловиќ од Србија ќе одржат свои семинари.

Натпреварот ќе се затвори со Гала вечерта од 20:00 часот во спортската сала „Парк“ во Струмица.