Македонската интернационална фудбалска ѕвезда, струмичанецот Горан Пандев, денеска го слави својот 38 роденден.

Пандев е еден од најдобрите фудбалери во историјата на Македонија, еден од најуспешните спортисти интернационалци и амбасадор на својата земја.

Капитенот на македонската фудбалска репрезентација Горан Пандев 18 години е во италијанското првенство.

Пандев во Италија замина како тинејџер од ФК Беласица во младинскиот погон на Интер, со кој стана и првак во својата категорија. Беше на калење во Специја и во Анкона, која му беше прв клуб во Серија А, потоа играше за Лацио од 2004 година. Цела 2010 година ја мина во Интер, со кој освои се - „скудето", Лига на шампиони, светска титула, Куп на Италија... Потоа замина во Наполи, во турски Галатасарај и пак се врати во Италија во Џенова, каде игра од 2015-та година.