Младиот музичар од Струмица, веќе познат на балканската естрада, Иван Кукиќ, денеска на својот 24-ти роденден ја објави својата прва авторска песна насловена „Без компас“.

Иако Иван има снимено и настапувано на повеќе музички изведби, преработено неколку традиционални македонски, но и песни од регионот, „Без компас“ е неговото првенче. Се јавува како комплетен автор, музика, текст, аранжман, вокал, но и главен лик во видео приказната под режисерката палка на Ѓорги Вацев.

Вистински момент за вистинска приказна на свој начин со Иван Кукиќ во време на масовна вакцинација, за нова инспирација. Иван е горд на ова прво авторско дело и видео спот на кој му се придружија голем број негови пријатели, колеги. Во песната со свој монолог се јавува и познатиот лик од К-15, Тошо Малерот, актерот Васко Тодоров.

Во видео приказната глумат: Стојне Карадакоски, Љубомир Митровски, Миле Манасиев, Тоше Костадинов, Петар Колев, Игор Илиев, Наце Ристоманов, Александра Бенет, Наташа Стојановска, Јовче Пандев, Марија Зимбаковска, Невена Стојкова, Вероника Поповска, Горан Алиќ, Иван Георгиев, Зоран Кукиќ, Душко Манушев, Марјан Стоилов, Ване Панов, Ѓорги Ѓоргиев и Зоран Трендов, а видео спотот е снимен во Струмица, дел во поранешната касарна во февруари годинава, во TNT Rock Caffe Strumica, Scena 112 и Potfat MC.

Как ќее саа таа работа? Погледнете го видеото оти СЕ Е БЕЗ КОМПАС, БЕЗ КОМПАС Е СЕ!