На иницијатива на вработените во маркетот 4 на „Киси Трејд“ во Карпош маало во Струмица, во изминатиот еден месец беше реализиран конкурс за деца и млади на кој пишуваа писмо со желби до Дедо Мраз за Новогодишно-Божиќните празници. Дури 42 писма со желби пристигнаа, односно беа доставени во кутија на влезот во маркетот.

Вработените во „Киси Трејд“ како најдобро го избраа писмото со желби на Верче Димитриева во кое посакува да нема болни деца. Таа ја доби главната награда, а и сите деца што учествуваа добија награди од пријателите на „Киси Трејд“, компаниите: „Сеча“, „Оаза“, „Кока Кола“, „Мио кафе“, „Колид Фудс“, „Битолска млекара“ и „Бирн“.

Прогласувањето на најдоброто писмо и доделувањето на наградите на сите учесници се одржа пред влезот на „Киси маркетот 4“, каде на децата, организаторите им посакаа среќни и весели празници и Новата 2021 година да ја поминат во добро здравје и секој ден да им биде со радост.

ФОТОГАЛЕРИЈА