Од вчера активен е пожар меѓу струмичките села Требичино и Василево, информираат од Центарот за управување со кризи (ЦУК). Пожарот е на непристапен терен, карпесто-ритчест, а гори нискостеблеста мешана шума и висока трева.

„Пожарот е од вчера во доцните попладневни часови, а активно е гаснет од ТППЕ Струмица и Шумско стопанство „Беласица“ во текот на вчерашниот ден и до доцна во ноќта. Утрово во 5 часот екипите повторно се на терен, дејствуваат и се очекува во текот на денот да се изгасне пожарот“ - информираат од ЦУК.