Министерот за земјоделство, шумарство и водостопанство, Арјанит Хоџа, денеска имал средба со градоначалникот на општина Струмица, на која се разговарало за актуелните состојби во земјоделството во овој период од годината, но и за перспективите на оваа гранка, информираат од Kабинетот на струмичкиот градоначалник.

„Иако, како локална самоуправа немаме директни ингеренции во оваа област, сепак, интерес од наша страна има, бидејќи струмичкиот е еден од најголемите земјоделски региони во државата и голем број семејства егзистираат од оваа гранка, а ние сме секогаш подготвени да помогнеме во подобрувањето на стандардот на нашите земјоделски производители“, вели градоначалникот Коста Јаневски.