Денеска Општинската изборна комисија – Струмица на новоизбраните членови на Советот на општина Струмица им ги додели уверенијата за избор на советник. Уверенијата од претседателката на ОИК Струмица, Елисавета Пецева ги добија 13-те членови од Коалицијата предводена од ВМРО-ДПМНЕ, Александар Илиев од ЗНАМ и Јасмина Пијанманова од Левица. Од СДСМ не присуствуваа на доделувањето. Како што не информираше д-р Миле Гогов, кој беше носител на кандидатска листа на СДСМ, утрово во 09:30 часот го информирале дека во 11:00 часот ќе се доделуваат уверенијата.
„Сите сме на работа, имаме си работни обврски, не може да не покануваат за да ни ги врачат уверенијата за еден час. Им предложив за утре во 11:00 часот, но остана на тоа за денеска“, ни кажа д-р Гогов, образложувајќи зошто новоизбраните советници од СДСМ не дојдоа на доделувањето на уверенијата.
Попладнето градоначалникот Петар Јанков во кабинетот ќе има средба со досегашниот претседател на Советот на општина Струмица, Марјан Даскаловски за консултации и закажување на првата конститутивна седница на Советот. Како што дознаваме, таа би требало да се одржи веќе во среда, а ќе ја закаже Даскаловски.
Новиот состав на Советот на општина Струмица го сочинуваат:
- Никола Маџунков (ВМРО-ДПМНЕ)
- Евица Трајанова (ВМРО-ДПМНЕ)
- Владимир Ристов (ВМРО-ДПМНЕ)
- Павлина Галева (ВМРО-ДПМНЕ)
- Кире Синдраковски (ВМРО-ДПМНЕ)
- Анкица Ангова (ВМРО-ДПМНЕ)
- Ќемал Сулејманов (ВМРО-ДПМНЕ)
- Мила Велкова (ВМРО-ДПМНЕ)
- Методија Иванов (ВМРО-ДПМНЕ)
- Јован Симевски (ВМРО-ДПМНЕ)
- Кристина Ментинова Манчева (ВМРО-ДПМНЕ)
- Панче Стојков (ВМРО-ДПМНЕ)
- Петре Танчев (ВМРО-ДПМНЕ)
- Миле Гогов (СДСМ)
- Танкица Митрева (СДСМ)
- Лазо Манев (СДСМ)
- Софче Димитријева (СДСМ)
- Илија Патриков (СДСМ)
- Павлинка Димитрова (СДСМ)
- Христијан Ефтимов (СДСМ)
- Селда Исмаилова (СДСМ)
- Александар Илиев (ЗНАМ)
- Јасмина Пијанманова (ЛЕВИЦА)
