Протест на земјоделци за ниската откупна цена на лубениците

13 Јули 2017

Одгледувачи на лубеници од Струмичкиот регион денеска половина час го блокираа патот на раскрсницата што води кон подбеласичките села, во знак на револт поради ниската откупна цена и слабиот пласман.

Бараат итно решение и средба со министерот за земјоделство, шумарство и водостопанство, Љупчо Николовски. Најавија блокади на патот кон бугарската граница, доколку во рок од 24 часа не се сретнат со министерот Николовски.

Според нив, дневно се откупуваат само стотина тони, за разлика од минатите години кога се продавале по илјада тони.