×

Notice

There was a problem rendering your image gallery. Please make sure that the folder you are using in the Simple Image Gallery Pro plugin tags exists and contains valid image files. The plugin could not locate the folder: media/k2/galleries/4131

Награди за најдобрите литературни и ликовни творби „Жената во секојдневието“

09 Март 2017

Во Струмица денеска беа доделени наградите за најдобрите ликовни и литературни творби од конкурсот на тема „Жената во секојдневието“, на кој учествуваа ученици од основните и од средните училишта од регионот.

Беше отворена и ликовна изложба од пристигнатите дела, а наградените млади писатели ги прочитаа своите творби. Конкурсот го организираше општинската установа Центар за деца за млади „Благој Јанков Мучето“, во соработка со Општина Струмица.

„Темата која ја избравме е „Жената во секојдневието“. Значи – жена адвокатка, докторка, политичарка и слично. Целта ни е да прикажеме дека жената нема само улога на мајка или родител, чија основна задача е да се грижи за домот и семејството, туку дека жената го може истото што го може и мажот. Сакаме да ја покажеме и афирмираме родовата еднаквост“ - рече Светлана Мазгалоска-Вуќетиќ од Центарот за деца и млади.

Годинава првпат во реализацијата на традиционалниот конкурс за одбележување на Меѓународниот ден на жената се вклучи и Општина Струмица, преку Одделението за локален економски развој, каде како партнер во Стратегијата и Програмата за родова еднаквост учествува и Центарот за деца и млади.

Организаторите велат дека се задоволни од интересот и од бројот на пристигнати литературни и ликовни творби.

Галерија

{gallery}4131{/gallery}