„Комуналец“ започна со ново хортикултурно уредување на јавните површини

03 Март 2017

Со подобрувањето на временските услови вработените во единицата „Зеленило“ при ЈПКД „Комуналец“ од Струмица започнаа со активностите за подобрување на јавните површини во градот.

Новите зафати се реализираат во првиот дел на големиот градски парк, конкретно, се работи на триаголникот каде што се наоѓа споменикот на Благој Јанков Мучето, каде што ќе биде обновена тревната површина, а ќе бидат засадени и нови садници.

Според Ленче Гудева, раководител на единицата „Зеленило“, се реконструира и фонтаната на влезот во паркот, старите плочки се заменуваат со нови, се уредува и зелениот појас во кој ќе биде извршено дополнително хортикултурно уредување, а ќе бидат поставени и нови клупи.